كەشە «امىرە» ءفيلمىنىڭ جابىق كورسەتىلىمى ءوتتى. مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق جانە ءاليدار وتەمۇراتوۆتىڭ «Dar Play» كومپانياسىمەن بىرلەسە تۇسىرگەن فيلم قازاقستان تاريحىندا ەسىمى التىن ارىپتەرمەن جازىلعان امىرە قاشاۋبايەۆتىڭ فرانسيا استاناسى پاريجدە وتكەن ەكسپو كورمەسىندە ءان سالىپ، تورتكىل دۇنيەنى تاڭداي قاقتىرعانى، فرانسيادا باستان وتكەرگەنى، كۇمىس كومەي انشىلەر دوداعا تۇسكەن بايگەگە قاتىسقانى باياندالادى.

امىرە قاشاۋبايەۆ فرانسيادا الاش يدەيالارى مەن مۇراتتارى اياسىندا قاناتتانعان، قازاق، وزبەك جانە باسقا دا تۇركى حالىقتارىنىڭ ۇلتتىق بوستاندىعى ءۇشىن كۇرەسىنىڭ ستراتەگياسى مەن تاكتيكاسىن ايقىنداعان قايراتكەر مۇستافا شوقايمەن كەزدەسۋى، ونىڭ تۋعان جەرگە دەگەن ساعىنىشى مەن قازاق باۋىرلارىنىڭ بىر-بىرىنە دەگەن قولداۋى سۋرەتتەلەدى.

«امىرە» كوركەم ءفيلمىن قازاقستان مەن اقش بىرلەسىپ اعىلشىن تىلىندە تۇسىرگەن. ول قازاق جانە ورىس تىلىنە دۋبلياجدالعان.

امىرە قاشاۋبايەۆتىڭ داۋىسىن سەرجان مۇسايىن دۋبلياجدادى.  

اتالمىش ءفيلمنىڭ تۇساۋكەسەرىندە فيلم ەكى زالدا ەكى تىلدە كورسەتىلدى. امىرە قاشاۋبايەۆتىڭ ءرولىن اكتەر سانجار مادييەۆ سومدادى. ونىڭ ايتۋىنشا، «امىرە» ءفيلمى ءقازىرشى ۋاقىتتاعى ەڭ قيىن ءارى جاۋاپكەرشىلىگى مول جوبالاردىڭ ءبىرى بولدى. تاريحي تۇلعانىڭ وبرازانى ەنىپ، قالىڭ كورەرمەننىڭ جۇرەگىنە جەتكىزۋ ءۇشىن بارىن سالعانىن ايتادى. اكتەر دومبىرادا ويناۋ ونەرىن تەرەڭ مەڭگەرۋ ءۇشىن دومبىراشى نۇرجان تاجىكەنوۆتەن ءدارىس العان. ۆوكالعا قاتىسقان.

ب ا ق وكىلدەرى قاتىسقان ءفيلمنىڭ جابىق كورسەتىلىمىندە مۇستافا شوقايدىڭ ءرولىن سومداعان ەركەبۇلان دايىروۆتىڭ اكتەرلىك شەبەرلىگى كوبىنىڭ ويىنان شىقتى.

فيلمدە باستى رولدەردىڭ ءبىرىن اۋستراليالىق اكتريسا ەببي كورنيش سومدادى.

«امىرە» ءفيلمى كورسەتىلگەننەن كەيىن باسپا ءسوز وتىرىسى ءوتتى. وعان مادەنيەت جانە سپورت ءمينيسترى ارىستانبەك مۇحامەدي ۇلى، ءفيلمنىڭ رەجيسسەرى دجەف ۆەسپا (اقش)، باس پروديۋسەر ءاليدار وتەمۇراتوۆ جانە ونىڭ كەڭەسشىسى جارقىن شاكارىم، (امىرە قاشاۋبايەۆتىڭ ءومىرى مەن شىعارماشىلىعىنا ارنالعان ەڭبەكتەردىڭ اۆتورى)، امىرە قاشاۋبايەۆتىڭ ءرولىن سومداعان اكتەر سانجار مادييەۆ جانە مۇستافا شوكايدىڭ ءرولىن سومداعان اكتەر ەركەبۇلان دايىروۆ قاتىستى.  

ءباساپاسوز وتىرىسىندا ءسوز العان ارىستانبەك مۇحامەدي ۇلىنىڭ ايتۋىنشا فيلم 2016 جىلى كورەرمەنەگە جول تارتۋى قاجەت ەدى.

- ءبىز 2016-2017 جىلى ەكسپو-عا قارساڭىندا «امىرە» ءفيلمىن شىعارۋدى جوسپارلاعان ەدىك. سەبەبى، امىرە فرانسياعا ەكسپو-عا بارعان. ءبىزدىڭ ماقساتىمىز  - ەكسپو كەزىندە وسى كوركەم ءفيلمدى شىعارۋ بولعان. 2015-2016 جىلدارى ەكونوميكالىق تۇرعىدا كوپتەگەن قيىنشىلىقتار بولعاننان كەيىن، جوسپارلاعان ۋاقىتتان كەشتەۋ شىقتى، دەپ ءتۇسىندىردى مينيستر.

«امىرە» ءفيلمىنىڭ باس پروديۋسەرى ءاليدار وتەمۇراتوۆتىڭ ايتۋىنشا فيلمگە ميلليارد ەكى ءجۇز مىڭ تەڭگە كەتتى.

ارىستانبەك مۇحامەدي ۇلى ءبىر جارىم ساعاتتىق فيلمگە امىرەنىڭ بارلىق ءومىرىن سىيدىرۋ مۇمكىن بولماعانىن ايتادى. بولاشاقتا جالعاسى ءتۇسىرىلۋ مۇمكىن ەكەنىن دە ايتتى.

"امىرە" ءفيلمى 5 ساۋىردەن باستان ەلىمىزدىڭ بارلىق كينوتەاترلارىندا كورسەتىلەدى.