ق ر پارلامەنتى ءماجىلىسىنىڭ وتىرىسىندا قازاقستان رەسپۋبليكاسى ۇلتتىق بانكىنىڭ ءتوراعاسى دانيار اقىشيەۆ ىشكى ۆاليۋتا نارىعىنداعى دوللاردىڭ ءوسۋى، كورشى رەسەي ەلىندەگى ءرۋبلدىڭ قۇلدىراۋىنا بايلانىستى ەكەنىن اتاپ ءوتتى، دەپ حابارلايدى Zakon.kz.

 ۆاليۋتا نارىعىنداعى جاعداي سىرتقى جانە ىشكى فاكتورلاردىڭ اسەرىن كورسەتەدى دەپ ويلايمىن. بۇل وزگەرىستەر رەسەيدىڭ قارجى نارىعىنداعى ءرۋبلدىڭ السىرەۋىنە بايلانىستى. سەبەبى بىرنەشە كۇن قاتارىنان ءرۋبلدىڭ قۇلدىراۋى بايقالادى. بۇل فاكتور تەڭگە گە دە اسەرىن تيگىزدى، - دەدى اقىشيەۆ.

 دەگەنمەن، بۇل جاعداي تەڭگەگە ون اسەرىن تيگىزەدى دەپ ويلايمىن. بىرىنشىدەن مۇناي باعاسى جوعارى كورسەتكىشتە تۇر، ياعني بەررەلىنە 75 دوللاردان تيەسىلى. ەكىنشىدەن جاقىن كۇندەرى تولەم بالانسى تۋرالى دەرەكتەردى جاريالايمىز. ياعني، 2018 جىلدىڭ ءبىرىنشى توقسانىنداعى الدىن الا دەرەكتەردى. وسىلايشا، ءبىز ەكىنشى توقساندا تولەمدەردىڭ نولدىك تەڭگەرىمىن كورەمىز، - دەدى اقىشيەۆ.