Facebook جەلىسىندە ەۆگەنيي ۆوججوۆ دەگەن اتپەن تىركەلگەن قولدانۋشى قازاقتارعا ءتىل تيگىزدى. قازاق ايەلدەرىن مايمىلعا تەڭەگەن ونى كايرا بايگەرەيەۆ دەگەن بىرەۋ قولداي كەتكەن، دەپ جازادى Qamshy.kz اقپارات اگەنتتىگى. 

مىنا سكرينشوتتار كەشەدەن بەرى الەۋمەتتىك جەلىدە تاراپ جاتىر. ۆوججوۆتىڭ Facebook-تەگى پاراقشاسىندا استانا قالاسى ادۆوكاتتار القاسىندا جۇمىس ىستەيدى دەپ كورسەتىلگەن. الايدا ءقازىر ونىڭ اككاۋنتى وشىرىلگەن.

داۋدىڭ باسى جەڭىس كۇنىنە ارنالعان لەنتادان شىققانعا ۇقسايدى. 2015 جىلى ق ر مادەنيەت جانە سپورت مينيسترلىگى "جەڭىس لەنتاسىنىڭ" جاڭا ۇلگىسىن جاساپ، قولدانىسقا ەنگىزگەن. الايدا ەۆگەنيي ۆوججوۆ پەن قايرات بايگەرەيەۆ سىندى ءبىرقاتار ازاماتتار بۇعان قاتتى نارازى. مىسالى، قايرات بايگەرەيەۆ ءوزىنىڭ Facebook-تەگى پاراقشاسىندا وسىعان بايلانىستى ۆيدەو جاريالادى. 

ونىڭ ويىنشا، كوك ءتۇستى لەنتا ەل اراسىنا جىك سالادى. "بيلىك ەنگىزگەن كوك ءتۇستى لەنتانىڭ جەڭىس كۇنىنە قاتىسى جوق"، — دەيدى بايگەرەيەۆ. باستى سۋرەتىنە سوۆەت وداعىنىڭ تۋىن قويعان قازاقستان ازاماتى ءالى  كۇنگە دەيىن بوداندىقتى كوكسەيتىندەي كورىندى.

جالپى ۇلتارالىق ارازدىقتى قوزدىراتىن پىكىرلەر جەلىدە ارا-تۇرا قىلاڭ بەرىپ قالادى. وتكەن ايدا اديليام ۋشۋروۆا اتتى قولدانۋشى قازاقتاردىڭ ار-نامىسىنا ءتيىپ، "مامبەتتەر" دەپ كەمسىتكەن ەدى. "سەندەردى تاۋعا قۋىپ جىبەرىپ، مالدىڭ تەزەگىن جەگىزۋ كەرەك" دەگەن ونىڭ سوزىنە قارسى حالىق ورە تۇرەگەلدى. كوپ ۇزاماي اديليام ۋشۋروۆا ۆيدەوۇندەۋ جاساپ، ەلگە ءمان-جايدى ءتۇسىندىردى. جىلامسىراپ وتىرىپ، ول پىكىردى ءوزى جازباعانىن، بەلگىسىز بىرەۋ اككاۋنتىن بۇزىپ كىرگەنىن ايتىپ اقتالدى.

اڭداماي سويلەگەن ءسوزدىڭ ارتى جاقسىلىققا اپارماۋى مۇمكىن. ەلىمىزدەگى بەيبىتشىلىك پەن ىنتىماقتىڭ تۇنىعىن شايقايتىن ارانداتۋشىلاردى زاڭ بويىنشا جازالاعان دۇرىس. ەل يەسى، جەر يەسى قازاق حالقىن قورلاۋعا ەشكىمنىڭ قۇقىعى جوق. قۇزىرلى ورىنداردان ەۆگەني ۆوججوۆتىڭ ءىسىن تەسكەرۋدى تالاپ ەتەمىز!