بريتاندىق  Sunday Times باسىلىمى ەلدىڭ ەڭ باي ادامدارىنىڭ ءتىزىمىن جاريالادى. ول تىزىمگە انگليا ازاماتتارىنان بولەك بىرىككەن كورولدىكتە تۇراقتاپ، تابىس تاۋىپ جۇرگەن بيزنەسمەندەر دە كىردى. ولاردىڭ اراسىندا قازاقستاندىق ۆلاديمير كيم بار.

Sunday Times باسىلىمىنىڭ تىزىمىندە قازاقستاندىق بيزنەسمەنگە 93-ورىن بۇيىرىپتى. ونىڭ بايلىعىن بريتاندىق باسىلىم 1،9 ملرد دوللارعا (1،4 ملرد فۋنت) باعالادى.

تىزىمگە سايكەس ۆلاديمير كيم پاتشايىم II ەليزاۆەتانىڭ الدىن وراپ كەتكەن. پاتشايىم 344 ورىننان كورىندى، ال ونىڭ بايلىعىن بريتاندىق باسىلىم 370 ملن فۋنتقا باعالادى.

Forbesء-تىڭ 2018 جىلعى ەڭ باي ادامدارىنىڭ تىزىمىندە كيمنىڭ بايلىعى 3،1 ملرد دوللارعا باعالانىپ، الەمدىك رەيتينگتە 776-ورىننان كورىندى.

ول – قىمبات مەتالدار وڭدەۋمەن اينالىساتىن «KAZ Minerals» توبىنىڭ پرەزيدەنتى ءارى اكسيونەرى. KAZ Minerals بۇگىنگى تاڭدا لوندوندا دا جۇمىس ىستەپ، مەملەكەتتىك قازىناسىنا اقشا قۇيىپ وتىر.

2010 جىلى ۆلاديمير كيم اكسياسىنىڭ جارتى بولىگىن ساتىپ، 838 ملن فۋنت پايدا كوردى. 2016 جىلى قازاقستان ۇكىمەتىمەن ءساتتى جۇرگىزىلگەن كەلىسسوزدەردىڭ ارقاسىندا كومپانيا وعان 454 مىڭ فۋنت تولەدى.

دەرەكتەرگە سۇيەنسەك، لوندوننىڭ ءدال ورتالىعىنداعى One Hyde Park عيماراتىندا ۆلاديمير كيمنىڭ پاتەرى بار. ونداعى ەڭ ارزان پاتەردىڭ قۇنى – 20 ملن فۋنت. بيزنەسمەن كەي ۋاقىتتاردا قازاقستانعا دا كەلىپ تۇرادى.

ۆلاديمير كيمنەن وزگە تىزىمگە تمد ەلدەرىنىڭ 15 ميلليونەرى كىردى.