ق ر اقپارات جانە كوممۋنيكاسيا ءمينيسترى داۋرەن ابايەۆ XV ەۋرازيا مەديا فورۋمىنىڭ اشىلۋىندا ءسوز سويلەپ، فورۋم قاتىسۋشىلارىنا مەملەكەت باسشىسى نۇرسۇلتان نازاربايەۆتىڭ قۇتتىقتاۋ حاتىن وقىپ بەردى، دەپ حابارلايدى Qamshy.kz اقپارات اگەنتتىگى.

ەلباسىنىڭ قۇتتىقتاۋ حاتىندا فورۋمنىڭ جىل سايىن مەديا سالاسىنىڭ بىلىكتى ماماندارىن جيناپ، ەڭ وزەكتى ماسەلەردى تالقىلايتىنى ايتىلعان.

«ۇزدىكسىز وزگەرىپ جاتقان الەمدە بۇقارالىق اقپارات قۇرالدارى عالامدىق شيەلەنىستىڭ الدىن الىپ، جاعدايدى قالپىنا كەلتىرەتىن تاپتىرماس قۇرال. مۇندايدا جۋرناليستەردىڭ جاۋاپكەرشىلىگى ارتادى ءارى مىندەتى ماڭىزدى سانالادى. كلاسسيكالىق جۋرناليستەرگە دەگەن سەنىمنىڭ جوقتىعى بۇگىنگى باق-تىڭ باستى قاتەرى. بۇگىندە قوعام بالاما اقپارات كوزدەرى بلوگەرلەر مەن الەۋمەتتىك جەلىدەن كەرەكتى جاڭالىعىن وقۋدى ءجون كورەدى. باق-تىڭ باسەكەگە قابىلەتتىلىگى ءجۋرناليستىڭ ساپالى كونتەنتى مەن كاسىبيلىگىنەن كورىنەدى. تەكسەرلىپ، ناقتى فاكتىلەرمەن بەرىلگەن كەز كەلگەن اقپارات وقىرمانعا ءوتىمدى. سول سەبەپتى وسىنداي ديالوگ الاڭدارىن قۇرۋدىڭ ماڭىزى زور»، - دەلىنگەن پرەزيدەنتتىڭ قۇتتىقتاۋىندا.

مەملەكەت باسشىسىنىڭ ايتۋىنشا، جۋرناليست – ەتيكا مەن ادامگەرشىلىك قاسيەتتەردى ۇشتاستىرا بىلەتىن مامان.

ايتا كەتەيىك، بۇگىن الماتىدا ەۋرازيا مەديا فورۋم باستالدى. فورۋمعا 6000-نان استام شەتەلدىك دەلەگات كەلگەن.