ەلوردامىز-استانا قالاسىنىڭ 20 جىلدىعى اياسىندا قازاقستان رەسپۋبليكاسى مادەنيەت جانە سپورت مينيسترلىگىنىڭ باستاماسىمەن وڭتۇستىك قازاقستان وبلىسى، ش.قالداياقوۆ اتىنداعى وبلىستىق فيلارمونيا زالىندا «Burabay Summer Fest» حالىقارالىق بالالار مەن جاسوسپىرىمدەر تەليەۆيزيالىق فەستيۆالى ءوتتى. بۇل تۋرالى Qamshy.kz اقپارات اگەنتتىگى وقو مادەنيەت باسقارماسىنا سىلتەمە جاساپ حابارلايدى.

فەستيۆالدىڭ ماقساتى- ەلىمىزدىڭ ءاربىر وبلىس، اۋداندارىنداعى دارىندى بالالار مەن تالانتتى جاستاردى انىقتاۋ جانە ولارعا جان-جاقتى قولداۋ كورسەتۋ، شىعارماشىلىق قابىلەتتىلىگىن دامىتا وتىرىپ، ورىنداۋشىلىق شەبەرلىكتەرىن شىڭداۋ، حالىقارالىق مادەني بايلانىستاردى دامىتۋ جانە نىعايتۋ، تاجىريبە الماسۋ، وتانسۇيگىشتىككە تاربيەلەۋ، ەلىمىزدىڭ ۇلتتىق ونەرى مەن تاريحىنا دەگەن قىزىعۋشىلىقتى ارتتىرۋ، جالپىادامگەرشىلىك قۇندىلىقتاردى قالىپتاستىرۋ بولىپ تابىلادى.

وسى ورايدا، وڭىرىمىزدەن اتالعان بايقاۋعا 10-16 جاس ارالىعىنداعى 200-دەن اسا ۇمىتكەر قاتىسىپ، 9 جانر بويىنشا (ءداستۇرلى ءان، اكادەميالىق ءان، ەسترادالىق ءان، كوركەمدىك وقۋ، ۇلتتىق مۋزىكالىق اسپاپتاردا ورىنداۋ، كلاسسيكالىق مۋزىكالىق اسپاپتاردا ورىنداۋ، ەسترادانىڭ سۇيەمەلدەنۋىمەن مۋزىكالىق اسپاپتاردا ورىنداۋ، حورەوگرافيالىق جانە بەينەلەۋ ونەرى) ونەر كورسەتىپ، ۇزدىك دەپ تانىلعان 16 ۇمىتكەر اقتىق كەزەڭگە جولداما الدى.

ەلىمىزدىڭ بارلىق وبلىس، قالالارىنان ىرىكتەلگەن ۇمىتكەرلەر قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ ۇيىمداستىرۋىمەن 2018 جىلعى 2-11 ماۋسىم كۇندەرى اقمولا وبلىسى بۋراباي دەمالىس ايماعىندا ب ا ق سىناپ، 16 ماۋسىم كۇنى استانا قالاسىنداعى گالا-كونسەرتكە قاتىساتىن بولادى.