قازاقستاننىڭ بارلىق وڭىرلەرىندە 1 ماۋسىمنان باستاپ حالىقتى سيفرلىق ساۋاتتىلىققا ۇيرەتۋ بويىنشا كۋرستار باستالادى، دەپ حابارلايدى Qamshy.kz اقپارات اگەنتتىگى. 

       «سيفرلىق قازاقستان» مەملەكەتتىك باعدارلاماسىنىڭ باعىتى - ادام كاپيتالىن دامىتۋ ماقساتىندا ق ر اقپارات جانە كوممۋنيكاسيالار مينيسترلىگى «زەردە» حولدينگى» اق-مەن بىرگە حالىقتى سيفرلىق ساۋاتتىلىققا ۇيرەتۋ بويىنشا ادىستەمەنى جانە وقۋ باعدارلاماسىن ازىرلەدى.

        ەلىمىزدەگى سيفرلىق ساۋاتتىلىق دەڭگەيىن 78،5% كورسەتكىشكە جەتكىزۋ ءۇشىن 500 مىڭعا دەيىن ادامدى موبيلدىك داعدىلار، ينتەرنەتپەن جۇمىس، قاۋىپسىزدىك، دەرەكتەردى قورعاۋ سياقتى تاعى دا باسقا بازالىق كومپەتەنسيالارعا وقىتۋ قاجەت.

        وسىنىڭ شەڭبەرىندە اعىمداعى جىلى ەلدىڭ ءار اۋماعىندا حالىقتى سيفرلىق ساۋاتتىلىقتىڭ بازالىق كومپەتەنسيالارعا ۇيرەتۋ بويىنشا ءىس-شارالار جۇرگىزۋ جوسپارلانۋدا.

        وقۋ كۋرستارى مىناداي داعدىلار بويىنشا وتەدى:

1. «بازالىق سيفرلىق داعدىلار» بويىنشا. بازالىق سيفرلىق داعدىلارعا پەرسونالدىق كومپيۋتەردى جانە نوۋتبۋكتى، موبيلدىك قۇرىلعىلاردى، ينتەرنەت جەلىسىن، قاۋىپسىزدىك پەن دەرەكتەردى ساقتاۋدى سەنىمدى قولدانۋ جاتادى.
2. «ەلەكتروندىق ۇكىمەت جانە ەلەكتروندىق مەملەكەتتىك قىزمەتتەر» بويىنشا. «ەلەكتروندىق ۇكىمەتتى» قولدانۋ داعدىلارىنا قاجەتتى ۇيدەن شىقپاي «ونلاين» ەلەكتروندىق مەملەكەتتىك قىزمەتتەرىن الۋ جاتادى.
3. «اشىق ۇكىمەت» بويىنشا. «اشىق ۇكىمەتتى» قولدانۋ داعدىلارىن «اشىق ۇكىمەتتىڭ» ءتورت كومپونەنتى (اشىق دەرەكتەر، اشىق نورماتيۆتىك-قۇقىقتىق اكتىلەر، اشىق ديالوگ جانە بيۋدجەتتەر) قۇرايدى.
4. «ەلەكتروندى ساۋدا» بويىنشا. «ەلەكتروندى ساۋدا» داعدىلارىنا تاۋارلار مەن قىزمەتتەردى ساتىپ الۋ، ساتۋ جانە ىلگەرىلەتۋ جاتادى.

 ايتا كەتەيىك، 2018 جىلدىڭ ءساۋىر-مامىر ايلارىندا «زەردە» حولدينگى» اق، «قازپوچتا» اق، «ازاماتتارعا ارنالعان ۇكىمەت» كوممەرسيالىق ەمەس اق ماماندارى تۇرعىندارعا سيفرلىق ساۋاتتىلىقتىڭ بازالىق جانە كاسىبي داعدىلارىن وقىتاتىن ترەنەرلەردى دايىنداعان بولاتىن. 

      وقىتۋ كۋرستارى ءوز  كومپەتەنسيالارىن 1 نەمەسە 4 داعدى بويىنشا كوتەرگىسى كەلەتىندەر ءۇشىن تەگىن جۇرگىزىلەدى.

كۋرستار قازاقستاننىڭ بارلىق وڭىرلەرىندە (اۋدان ورتالىقتارىندا، اۋىلداردا جانە  كەنتتەردە) 2018 جىلعى 1 ماۋسىمدا مەكتەپتەر مەن كىتاپحانالار بازاسىندا باستالادى. 

      ءسىزدىڭ ايماعىڭىزدا كۋرستىڭ وتەتىن ۋاقىتى مەن ورنىن انىقتاۋ ءۇشىن 1414 نومىرىنە حابارلاسۋىڭىزعا بولادى.