22 مامىردا تۇتقىندالىپ، قىتايعا دەپورتاسيا جاسالادى دەگەن سايراگۇل ساۋىتبايدىڭ جاعدايىمەن زاڭگەر ابزال قۇسپان تانىستى، دەپ جازادى Qamshy.kz اقپارات اگەنتتىگى. بۇل تۋرالى بەلگىلى جۋرناليست ساۋلە ءابىلداحان قىزى الەۋمەتتىك جەلىدە جاريالاعان ۆيدەودا بەلگىلى بولدى.

ايتا كەتسەك، وتباسى قازاقستان ازاماتتارى بولىپ سانالاتىن، جۇڭگو شەكاراسىنان زاڭسىز ءوتتى دەپ ايىپ تاعىلعان سايراگۇل ساۋىتبايدىڭ تۋىستارى ۆيدەو مالىمدەمە جاساعان ەدى. قىتايعا كۇشتەپ قايتارعالى جاتىر دەگەن اقپارات قوعامدا ءدۇمپۋ تۋعىزعان بولاتىن. 

جاركەنتتە ۋاقىتشا قاماۋدا وتىرعان سايراگۇلمەن كەزدەسكەن ادۆوكاتتىڭ ايتۋىنشا، ونىڭ دەنساۋلىعى جاقسى، ءوزى ءۇشىن الاڭداعان قازاق جۇرتىنا ريزالىعىن ايتقان. قاجەتتى زاتتاردى كىرگىزۋگە رۇقسات ەتىلگەن. 

ءقازىر سايراگۇلدىڭ ۇستىنەن قازاقستاننىڭ قىلمىستىق كودەكسى بويىنشا قىلمىستىق ءىس قوزعالعان. قازىرگە قىتايعا بەرە سالادى دەگەن ءقاۋىپ جوق. 

ەستەرىڭىزگە سالساق، اتالعان اقپارات شىعا سالا Qamshy.kz ۇقك-گە ارنايى ساۋال جولداپ، ماسەلە كوتەرگەن بولاتىن.