قازاقستاندىق كاسىپقوي بوكسشى، 2016 جىلعى وليمپيادا چەمپيونى دانيار ەلەۋسىنوۆ (1-0، 1 كو) ءوزىنىڭ اتاقتى وتانداسى، ورتا سالماقتاعى WBA/WBC/IBF تۇجىرىمدارىنىڭ چەمپيونى گەنناديي گولوۆكيننىڭ جەتىستىگىنەن دە جوعارى مەجەگە قول جەتكىزگىسى كەلەتىنىن ايتتى، دەپ حابارلايدى Sports.kz.

"گولوۆكين قازاقستاندا وتە تانىمال جانە ادامدار قازاقستان جايلى ايتا باستاعاندا ءبارى GGGء-دى ەسكە الادى. سونداي بولۋ مەنىڭ ماقساتتارىمنىڭ ءبىرى. قازاقستان تۋرالى اڭگىمە بولعاندا مەنىڭ اتىم اتالعانىن قالايمىن. گولوۆكين مەنىڭ ەلىمدەگى بارلىق بوكسشىعا ەسىك اشىپ بەردى، ءبارىمىز ونىڭ جولىن قۋۋدى ارماندايمىز.  

الايدا مەنىڭ ءوز جولىم بار، ءتىپتى ودان دا زور ناتيجەگە جەتسەم بە دەيمىن. مەنىڭ ارمانىم – ءابسوليۋتتى، جەڭىلمەگەن الەم چەمپيونى بولۋ. ەڭ الدىمەن، ءوز ەلىمدى تانىتقىم كەلەدى، بۇل مەنىڭ العاشقى ماساتىم، ەگەر ءبارى ويداعىداي بولسا، مەن بۇل دەڭگەيدە ۇزاق ۋاقىت بولامىن. مەن سپورتتىڭ بۇل ءتۇرىن جانە ءوز جۇمىسىمدى جاقسى كورەمىن"، — دەپ Sky Sports دانياردىڭ سوزىنەن ءۇزىندى كەلتىرگەن.

6 ماۋسىمدا لوندوندا دانيار ەلەۋسىنوۆ كاسىپقوي بوكستاعى ەكىنشى جەكپە-جەگىن وتكىزەدى، ونىڭ قارسىلاسى ۆەنگەر بوكسشىسى گابور گوربيچ (24-11، 14 كو) بولادى.