ق ر دەنساۋلىق ساقتاۋ مينيسترلىگى مەنينگيتكە قارسى ءدارى مەن ۆاكسينانىڭ قىمبات بولماۋىن جانە الىپ-ساتۋشىلىق بولماۋىن قاداعالاپ وتىرادى. بۇل تۋرالى مينيستر ەلجان ءبىرتانوۆ مالىمدەدى، - دەپ حابارلايدى Tengrinews.kz.

"ازىرگە ەشقاي جەردە (اسكەريلەر، ستۋدەنتتەر جانە باسقالارى) ۆاكسيناسيا باستالعان جوق. سەبەبى دەنساۋلىق ساقتاۋ مينيسترلىگى بۇل شەشىمدى قولدامايدى. يممۋنداۋ كوميتەتىبۇل شەشىمدى قابىلداعان جوق. ۆاكسينا بولشەك جەلىدە ساتىلىپ جاتىر. ۆاكسينانىڭ باعاسى قىمبات، باسقا ۆاكيسنالار سەكىلدى. نەگىزى بۇل وتە قىمبات فارماسيەۆتيكالىق تاۋار. بۇگىندە باعانىڭ ءوسىپ كەتپەسى ءۇشىن، الىپ ساتۋ بولماسى ءۇشىن ءبىز بارلىق جۇيەلەردى قولدانىپ جاتىرمىز. بۇگىن-ەرتەڭ وسى ماسەلەمەن تولىققاندى جۇمىس ىستەيتىن بولامىز"، - دەدى مينيستر. 

ونىڭ ايتۋىنشا، قازاقستاندا مەنينگيت اۋرۋىمەن اۋىرعان اداممەن بايلانىستا بولعان 4136 ادام پروفيلاكتيكالىق انتيبيوتيكتەردى قابىلداپ جاتقان كورىنەدى. 

"ناۋقاسپەن بايلانىس بارىن انىقتاۋ قيىن. الايدا قازىرگى ۋاقىتتا بارلىق جۇمىستار ىستەلىنىپ، ءبىزدىڭ سانيتارلىق قىزمەت بايلانىستا بولعان ادامداردى  انىقتادى. ءبىزدىڭ كەيبىر ارىپتەستەرىمىز ولاردى پروفيلاكتيكالىق انتيبيوتيكتەرمەن ەمدەۋ كەرەكدەپ شەشىم شىعارعان. بۇل دۇرىس ەمەس، ەمدەۋدىڭ اسەرىن باقىلاۋ قاجەت"، - دەپ ناقتىلادى مينيستر. 

ەسكە سالا كەتەيىك، كەشە، 3 ماۋسىمدا الماتى وبلىسىندا 19 جاستاعى قىزدىڭ مەنينگوكوكك ينفەكسياسىنان قايتىس بولعانى حابارلانعان ەدى. سونداي-اق، بۇگىن قىزىلوردادا 27 جاستاعى ەر ادامنىڭ مەنينگوكوكك ينفەكسياسىنان قايتىس بولعانى ايتىلدى. مەنينگيت نەسىمەن ءقاۋىپتى جانە ودان قالاي قورعانۋ كەرەك؟