اتىراۋ قالاسىنىڭ تۇرعىندارى مەنينگيتتىڭ الدىن الۋ سۇراقتارى بويىنشا كەڭەستى تاۋلىك بويى الا الادى، دەپ حابارلايدى Qamshy.kz اقپارات اگەنتتىگى اتىراۋ وبلىستىق وڭىرلىك كوممۋنيكاسيالار قىزمەتىنە سىلتەمە جاساپ.
الماتى وبلىسىندا مەنينگيت پايدا بولعانىنا بايلانىستى اتىراۋ وبلىستىق دەنساۋلىق ساقتاۋ باسقارماسى جەرگىلىكتى تۇرعىنداردىڭ قوڭىراۋلارىنا جاۋاپ بەرۋ ءۇشىن 24 ساعاتتىق جەدەل جەلى اشۋعا شەشىم قابىلدادى. 98-02-92 ءنومىرى بويىنشا ازاماتتار ينفەكسيالىق اۋرۋلاردان جانە ەپيدەميولوگتاردان كەڭەس الا الادى. جەلىدە تاۋلىك بويى 3 وپەراتور قىزمەت ەتەدى.
- الماتى وبلىسىنداعى مەنينگيت ينفەكسياسىنىڭ تارالۋىنا بايلانىستى اتىراۋ تۇرعىندارىن كوپتەگەن سۇراقتار مازالايدى. ءقازىر مەنينگيتتەن قالاي قورعانۋعا بولاتىندىعىن، اۋرۋدىڭ الدىن الۋ ءۇشىن قانداي شارالار قولدانۋ كەرەكتىگى مازالايدى. سوندىقتان تۇرعىندارعا 24 ساعات بويى قىزمەت ەتەتىن Call-ورتالىقتى اشتىق. حالىق كوكەيىندەگى ساۋالىنا جاۋاپ الۋ ءۇشىن ورتالىققا كەز كەلگەن ۋاقىتتا قوڭىراۋ شالا الادى، - دەيدى اتىراۋ وبلىستىق دەنساۋلىق ساقتاۋ باسقارماسىنىڭ باسشىسى مانشۇك ايمۋرزييەۆا.
