ق ر دەنساۋلىق ساقتاۋ ءمينيسترى ەلجان ءبىرتانوۆ مەنينگيتتەن قورعانۋ ءۇشىن مەديسينالىق ماسكالاردى كۇن سايىن تاعىپ ءجۇرۋدىڭ قاجەتتىلىگى جوق دەيدى.  بۇل جايىندا Qamshy.kz اقپارات اگەنتتىگى حابارلايدى. كونفەرەنسيادا مينيستر مينەنگيتكە بايلانىستى مالىمدەمە جاسادى.

—  ءدارىحانالاردا اۋرۋدان ساقتانۋ ءۇشىن مەديسينالىق ماسكانىڭ، ءدارى دارمەكتىڭ باعاسى ارتقانى راس. وعان مينيسترلىك جاۋاپ بەرمەيدى. سەبەبى، جەكەمەنشىك ءدارىحانالار باعانى وزدەرى قويادى. الداعى ۋاقىتتا ەلباسىنىڭ بۇيرىعىمەن باعانى  بىرىزدىلىككە ءتۇسىرۋ جولعا قويىلادى، -  دەدى مينيستر. 

— مەديسينالىق ماسكالاردىڭ تيىمدىلىگەن كەلەر بولساق، اۋرۋ اۋا ارقىلى بەرىلەدى. ماسكانى كوپشىلىك جەردە تاعىپ جۇرگەن دۇرىس.  ال ونى كۇنى بويى تاعىپ ءجۇرۋدىڭ قاجەتتىلىگى جوق، كەرىسىنشە تازا اۋادا ماسكاسىز جۇرگەن پايدالى، - دەدى مينيستر ءبىرتانوۆ. 

سونىمەن قاتار، مينيستر قايتىس بولعانداردىڭ تۋىستارىنا قارجىلاي كومەك كورسەتۋ قولعا الىنباعانىن ايتتى.

كونفەرەنسيا بارىسىندا مينيستر  مەنينگيتكە بايلانىستى سۇراقتارعا جاۋاپ بەرەتىن Call Center ىسكە قوسىلعانىن ايتتى. 

بۇعان قوسا، ق ر دەنساۋلىق ساقتاۋ ءمينيسترى ەلجان ءبىرتانوۆ مەنينگوكوكك ينفەكسياسىنا قارسى ۆاكسينا باعاسىن ارزانداتۋ بويىنشا جۇمىستار جۇرگىزىلەتىنىن مالىمدەدى.

ايتا كەتەيىك، كەشە تالدىقورعاندا 17 جاستاعى ستۋدەنت جىگىت مەنينگيتەن كوز جۇمدى. 

كەشە استانادا مەنينگوكوكك ينفەكسياسىن جۇقتىردى دەگەن كۇدىكپەن جانساقتاۋ بولىمىنە ەكى جاستاعى بالا جەتكىزىلدى.

قازاقستان رەسپۋبليكاسى دەنساۋلىق ساقتاۋ مينيسترلىگى قازاقستان تۇرعىندارىنا كەڭەس بەردى. 

ايگەرىم تاۋباي