دەنساۋلىق ساقتاۋ ءمينيستردى ەلجان ءبىرتانوۆ ۆەدومستۆانىڭ جۇمىسىنا ايتىلىپ جاتقان سىندى «قالىپتى جاعداي» دەپ ەسەپتەيدى.
"كەز-كەلگەن سىنعا تۇسىنىستىكپەن قارايمىز. سونىمەن قاتار، ءبىز ءوز ارىپتەستەرىمىزبەن، ونىڭ ىشىندە تامارا قاسىمقىزىمەن ءبىر كوماندادا جۇمىس ىستەيمىز. بىر-بىرىمىزگە ساۋال جولداپ، وعان جاۋاپ بەرىپ جاتقانىمىز قالىپتى جاعداي"، - دەدى مينيستر نۇر وتان پارتياسىنىڭ حاتشىسى تامارا دۇيسەنوۆانىڭ سىنىنا جاۋاپ رەتىندە.
ەستەرىڭىزگە سالا كەتسەك، تامارا دۇيسەنوۆا دەنساۋلىق ساقتاۋ مينيسترلىگىنىڭ جۇمىسىن مەنينگيتتىڭ ورشۋىنە بايلانىستى سىنعا العان بولاتىن. ونىڭ ايتۋىنشا بۇل ماسەلە مينيسترلىك جۇمىسىنىڭ دەڭگەيىن كورسەتىپ وتىر.
ال، بۇگىن دەنساۋلىق ساقتاۋ ءمينيسترى الماتىعا ارنايى كەلىپ، مەنينگيت ماسەلەسىنە بايلانىستى مالىمدەمە جاسادى.
پىكىر قالدىرۋ