بيىل سەمەي شاھارىندا قۋانىشقا تولى 9-مامىر جەڭىس كۇنىڭ جوعارى دارەجەدە اتاپ ءوتۋ ءۇشىن كوپتەگەن اسكەري پارادتار، فلەشموبتار،«ماڭگىلىك داڭق» شەرۋى مەن مەن سوعىستا قازا تاپقان مايدانگەرلەرگە ارنالعان ەسكەرتكىشتەرگە گۇل شوقتارىن قويۋ سياقتى ايتۋلى ءىس-شارالار وتكىزىلگەن بولاتىن.

ال، كەشە كەشكىسىن ورتالىق الاڭدا تاڭەرتەڭنەن باستاپ دۇركىرەتىپ تويلانىپ جاتقان جەڭىس مەيرامى «ۇلى جەڭىس كۇنى قۇتتى بولسىن» اتتى كونسەرتتىك باعدارلامامەن اياقتالدى.

مەرەكەنى قارسى الۋعا كەلگەن بارشا شاھار تۇرعىندارىنا امىرە قاشاۋبايەۆ اتىنداعى سەمەي مەملەكەتتىك فيلارمونياسىنىڭ ونەر يەلەرى، «شىعىس» وڭىرلىك قولباسشىلىعىنىڭ ساربازدارى، قالالىق مادەنيەت سارايىنىڭ انشىلەرى جانە دە وزگەدە ونەرپازدار سوعىس جىلدارىنداعى اندەردى شىرقاپ، كوپشىلىك قاۋىمنىڭ ىستىق ىقىلاسىنا بولەندى.

شىعىستىڭ قوس شىنارى «ۆەرنيتە پاميات» ءانىن ورىنداعاندا وتتى جىلداردى ەسكە العان تالاي ارداگەرلەرىمىزدىڭ كوزدەرىنە جاس ءۇيىرىلدى.

سونداي-اق ساعات 22:00-دە مەركەلىك وتشاشۋ اسپانعا اتىلىپ جانە سەمەيلىك ديدجەيلەردىڭ قاتىسۋىمەن جاستارعا ارنالعان بي كەشى ۇيىمداستىرىلدى.