وسكەمەندە سەمسەرلەسۋدەن ەر جانىبەكتى ەسكە الۋعا ارنالعان اشىق رەسپۋبليكالىق تۋرنير وتۋدە. اتالمىش سىنعا 2000-شى جىلعا دەيىنگى جاسوسپىرىمدەر قاتىسۋدا.
جارىستىڭ تۇساۋكەسەر راسىمىنە قاتىسقان وبلىستىق دەنە شىنىقتىرۋ جانە سپورت باسقارماسىنىڭ باسشىسى اسقار موجانوۆ جاس سەمسەرلەسۋشىلەردى ءتۋرنيردىڭ اشىلۋىمەن قۇتتىقتاي كەلە، دودا ۇلى جەڭىستىڭ 73 جىلدىعىنا ورايلاستىرىلعانىن دا جەتكىزدى.
رەسپۋبليكالىق دەڭگەيدەگى جارىسقا شىعىسقازاقستاندىق سپورتشىلاردان بولەك، ەلىمىزدىڭ ءبىرقاتار وڭىرىنەن، سونداي-اق رەسەي مەن قىرعىزستاننان كەلگەن جالپى سانى 200-گە جۋىق سەمسەرلەسۋشى قاتىسىپ، ءوز مۇمكىندىكتەرىن بايقاپ كورۋدە.
ءۇش كۇنگە سوزىلاتىن باسەكە بارىسىندا قاتىسۋشىلار قارۋدىڭ ەكى ءتۇرى (سەمسەر جانە قىلىش) بويىنشا سىنعا تۇسەدى. ايتا كەتۋ كەرەك، بۇل دودادا جۇلدەگەر اتانعاندار ۇپاي جيناپ، رەيتينگتىك جاعدايلارىن ءبىرشاما جاقسارتا الادى. ودان بولەك جارىستا ۇزدىك شىققاندار كەلەسى ماۋسىمنان باستاپ ەل قۇراماسى ساپىنا الىنباق.
پىكىر قالدىرۋ