بۇگىن بۇكىل تمد ەلدەرى ءۇشىن ەرەكشە كۇن بولىپ سانالادى. سەبەبى وسىدان 73 جىل بۇرىن ادامزات تاريحىنداعى ەڭ اۋىر قانتوگىس سوعىس اياقتالىپ، 9 مامىر كۇنى كوپتەگەن مەملەكەتتەردە جەڭىس مەرەكەسى كۇنى بولىپ بەلگىلەنىپ، كەڭ كولەمدە تويلانا باستادى. ءقازىر قازاقستاننىڭ ءار تۇكپىرىندە قۋانىشقا تولى بۇل مەيرامدى جوعارى دارەجەدە اتاپ ءوتۋ ءۇشىن كوپتەگەن اسكەري پارادتار جانە دە «ماڭگىلىك پولك» اقسياسى سياقتى ءبىرقاتار ءىس-شارالار تولاسسىز وتكىزىلۋدە.

سەمەي شاھارىندا دا جەڭىس مەرەكەسىنە ارنالعان مەرەكەلىك شارالار كوپتەپ ۇيىمداستىرىلۋدا. تاڭەرتەڭ ەرتە قالا اكىمى ەرماك ءسالىموۆ پەن ءبىر توپ اسكەري سالادا ابىرويلى قىزمەت اتقارىپ جۇرگەن ازاماتتار مەن ەلىمىزدى قورعايتىن بولاشاق ساربازدار ارنايى جەڭىس ساياباعىندا ورنالاسقان «ماڭگىلىك الاۋعا» گۇل شوقتارىن قويىپ، سوعىستا قازا تاپقان بارلىق ارداگەرلەردى ءبىر مينۋت ۇنسىزدىكپەن ەسكە الدى.

شىنى كەرەك ساياباققا جينالعان قالا حالقىنىڭ قاراسى كوپ بولدى. مايدانعا قاتىسقان مايدانگەرلەرىمىزدە وتتى جىلدارداعى ەستەلىكتەرىمەن ءبولىسىپ، جاستاردى ەشبىر قيىندىقتارعا مويىماي، توزە بىلۋگە، قىراعى بولۋعا شاقىردى.

مەرەكەنى قارسى الۋعا كەلگەن بارشا شاھار تۇرعىندارىنا قالالىق دوستىق ءۇيىنىڭ «ايشا –ءبيبى» ۇلتتىق-مادەني ورتالىعىنىڭ اق جاۋلىقتى اجەلەرى مەن قالامىزداعى وزگە دە ونەرپازدار سوعىس جىلدارىنداعى اندەردى شىرقادى.