9-مامىر جەڭىس كۇنى — بۇكىل دۇنيە ءجۇزى بويىنشا ۇلكەن مەيرام. شاپقىنشىلىقتىڭ جولىن كەسىپ، بەيبىتشىلىكتىڭ تۋىن تىككەن دانا قاريالارىمىزعا دەگەن ەلدىك ساعىنىش پەن قۇرمەت ەشقاشان سارقىلمايدى. جىلدا قازاقستاننىڭ ءار تۇكپىرىندە سۇراپىل سوعىس كەزiندە ەل تىنىشتىعى ءۇشىن ەرلىك جاساپ، قىرشىن كەتكەن ارداگەرلەرىمىزدىڭ پورترەتىن ۇستاعان مىڭنان استام ادام قالانىڭ ورتالىق الاڭىنا شىعىپ، ەرجۇرەك مايدانگەرلەرىمىزدى ماقتانىشپەن ەسكە الادى. بيىل دا بۇل ءۇردىس سەمەي شاھارىندا جالعاسىن تاۋىپ، مىڭداعان قالا تۇرعىندارى مايداندا قازا تاپقان باتىر اتالارى مەن اپالارىنىڭ سۋرەتىن ۇستاپ ورتالىق الاڭعا جينالدى.

سونداي-اق، ماڭگىلىك داڭق پولكىنىڭ شەرۋىندە ساپ تۇزەگەن جاس وتان قورعاۋشىلاردىڭ لەگى مەرەكەلىك جيىننىڭ كوركىن ودان ارى اجارلاندىرا ءتۇستى. «ماڭگىلىك پولكتىڭ» شەرۋىندە «مەنىڭ اتام، مەنىڭ اپام ولار باتىر كىسىلەر بولعان» دەپ قۋانىپ ايتىپ جۇرگەن، ۇلى وتان سوعىسىنىڭ قاھارماندارىنىڭ سۋرەتتەرىن جوعارى كوتەرگەن كىشكەنتاي بۇلدىرشىندەرىمىزدىڭ سانى وتە كوپ بولدى.

ال، جۋرناليستەرگە اتاسىنىڭ ەرلىگىن اڭگىمەلەپ بەرگەن الينا قارىنداسىمىز بارلىق سوعىس ارداگەرلەرىن جەڭىس مەركەسىمەن قۇتتىقتادى.

اسكەري سالادا ابىرويلى قىزمەت اتقارىپ جۇرگەن ءبىر توپ ازامات بولسا، ءتۇرلى اساپاتاردىڭ سۇيەمەلدەۋىمەن «دەن پوبەدى» ءانىن ورىنداپ، بىرنەشە شاقىرىمدى جاياۋ ءجۇرىپ ءوتتى.