سوڭعى كەزدە ەلىمىزدەگى ۆيچ، سپيد سەكىلدى ءقاۋىپتى دەرتتەردىڭ جىنىستىق جولمەن جۇقتىرۋ فاكتىلەرىنىڭ كۇرت كوبەيگەنى جاستاردىڭ وتباسى قۇرماي تۇرىپ، ۆيچ تەكسەرىلۋدەن ءوتۋ قاجەتتىگىن تۋىنداتىپ وتىر.
سوندىقتان بۇل ماسەلەگە ۇلتتىق قاۋىپسىزدىك تۇرعىسىنا قاراۋىمىز كەرەك. كورشى جۇڭگو ەلى جاس جۇبايلاردى دەنساۋلىعى تۋرالى انىقتاما اكەلگەن سوڭ عانا نەكەگە تىركەيدى. ەگەر جاس جۇبايلاردىڭ بىرەۋى دەرت جۇقتىرعان بولسا نەمەسە دەنساۋلىعىنان كىنارات تابىلسا، وندا ولارعا نەكەگە وتىرۋعا تىيىم سالىنادى. مەملەكەت تاراپىنان جاستاردىڭ دەنساۋلىعىنا دەگەن جاۋاپكەرشىلىگىن مىندەتتەۋ قاجەت. وسىعان وراي قاراعاندى قالاسىنىڭ سالاۋاتتى ءومىر سالتىن قالىپتاستىرۋ ورتالىعىنىڭ ماماندارى «ۇيلەنەر الدىندا جاس جۇبايلاردى ۆيچ ينفەكسياسىنا تەكسەرىستەن ءوتۋىن تالاپ ەتەتىن زاڭ قابىلدانسا»، دەيدى. بۇل ۇسىنىس زاڭدىق جولمەن بەكىتىلۋى ءتيىس.
http://baq.kz
پىكىر قالدىرۋ