قازاقستان رەجيسسەرى
ءامىر ءبايعازيننىڭ«ۇندەستىك ساباقتارى» ءفيلمى 63ء-شى بەرلين كينوفەستيۆالىندە ۇزدىك وپەراتورلىق جۇمىس ءۇشىن
"كۇمىس ايۋ"جۇلدەسىنە يە بولدى. سالتاناتتى ماراپاتتاۋ 16 اقپان كۇنى بەرلينالە سارايىندا وتكەن ەدى. وتاندىق ءفيلمنىڭ قويۋشى-وپەراتورى
ءازيز جامباكييەۆكە"كۇمىس ايۋ" ءوز قولىنا تاپسىرىلدى. فەستيۆال بارىسىندا بۇل ءفيلمدى سىنشىلار مەن حالىقارالىق ب ا ق وكىلدەرى جوعارى باعالاعان. «ۇندەستىك ساباقتارى» ءفيلمى − قازاق كينوسى تاريحىنداعى وسىنداي ۇلكەن جەتىستىككە جەتكەن العاشقى تۋىندى. ءفيلمنىڭ ءتۇسىرۋ جۇمىستارى 2012 جىلدىڭ شىلدە ايىندا اياقتالدى. بىرنەشە كۇننەن كەيىن ءفيلمنىڭ العاشقى كادرلارى سارايەۆو قالاسىندا (بوسنيا جانە گەرسەگوۆينا) وتكەن حالىقارالىق كينوفەستيۆالدە كورسەتىلىپ، باس جۇلدەنى جەڭىپ الدى. كوپ ۇزاماي، "بەرلينالە الەمدىك كينو قورى" (Berlinale World Cinema Fund) تاعايىنداعان جۇلدەگە
قول جەتكىزدى. جالپى، بۇل فيلم – اتالمىش قوردىڭ قولداۋىنا يە بولعان العاشقى قازاقستاندىق جوبا. "ۋروكي گارمونيي" جوباسى 2011 جىلى VII حالىقارالىق "ەۋرازيا" كينوفەستيۆالى شەڭبەرىندە وتكىزىلگەن "قازاقستاندىق كينوجوبالار نارىعىندا" ۇزدىك اتانىپ، "قازاقفيلم" كينوستۋدياسىنىڭ قارجىلاي قولداۋىنا جانە حالىقارالىق دەڭگەيدە تانىلۋىنا كەڭ مۇمكىندىك العان ەدى. ءسويتىپ، «ءقازاقفيلمنىڭ» ۇكىلەگەن ءۇمىتى اقتالىپ، فيلم الەمدىك بايقاۋدا وق بويى وزىپ شىققان. جەڭىمپاز فيلم بولاشاقتا الەمدىك كينوپروكاتقا دا شىعارىلماق. ەستەرىڭىزگە سالا كەتەيىك، اتالمىش بايقاۋعا قازاقستان ءبىرىنشى رەت قاتىسىپ وتىرعان جوق. وسىدان 18 جىل، 1995 جىلى بۇرىن رەجيسسەر دارەجان ومىربايەۆتىڭ «كارديوگرامما» ءفيلمى جەڭىمپاز اتانعان بولاتىن. مالىمەتتەر kinostan.kz سايتىنان
پىكىر قالدىرۋ