NASA ماماندارىنىڭ ەسەبى بويىنشا، رەسەيدىڭ چەليابينسك قالاسىنا ءتۇسىپ جارىلعان مەتەوريتتىڭ قۋاتتىلىعى 300-دەن 500 كيلوتونناعا دەيىن جەتەدى ەكەن. ياعني، حيروسيماعا تۇسكەن اتوم بومباسىنان 20 ەسەگە ارتىق. بۇل جايىندا Lenta.ru حابارلايدى.
امەريكالىق عالىمداردىڭ ايتۋىنشا، مەتەوريتتىڭ سالماعى شامامەن 7 مىڭ توننانى قۇرايدى. اتموسفەرا قاباتىنا ول ساعاتىنا 64 مىڭ شاقىرىم جىلدامدىقپەن ەنگەن جانە 19-24 شاقىرىم بيىكتىكتە جارىلعان. الايدا، رەسەيلىك عالىمدار بۇل پىكىرمەن كەلىسپەيدى. ولاردىڭ ايتۋىنشا، مەتەوريت ساعاتىنا 54 مىڭ شاقىرىم جىلدامدىقپەن ۇشىپ وتكەن. ال، جارىلىس 30-50 شاقىرىم بيىكتىكتە ورىن العان كورىنەدى.
ەستەرىڭىزگە سالا كەتسەك،15 اقپان كۇنى رەسەيدىڭ چەليابينسك قالاسىنىڭ ماڭىنا اسپان دەنەسىنىڭ ءبىرى قۇلاعان بولاتىن . كوز جۇمعاندار جوق، الايدا، دەنە جاراقاتتارىن العان ادامدار مىڭنان اسىپ جىعىلادى. الدىن الا بەرىلگەن مالىمەت بويىنشا، كەلتىرىلگەن شىعىن قۇنى 400 ميلليون ءرۋبلدى قۇرايدى.
www.baq.kz
پىكىر قالدىرۋ