«الەۋمەتتىك مەديسينالىق ساقتاندىرۋ قورى» كەاق 2018 جىل باسىنان بەرى ەلدەگى مەديسينا ۇيىمدارىنا حالىققا كورسەتىلگەن قىزمەتتەر ءۇشىن 325،2 ملرد تەڭگەدەن استام قارجى تولەدى. بۇل مەملەكەتتىك تاپسىرىس شەڭبەرىندە كومەك كورسەتۋ تۋرالى مەديسينا ۇيىمدارىمەن بەكىتىلگەن كەلىسىمشارتتاردىڭ 47 پايىزى. قازىرگى تاڭدا، الماتى قالاسىندا دا ەمدەۋ مەكەمەلەرىن قارجىلاندىرۋ ماسەلەسى كەستەگە سايكەس جۇرگىزىلىپ جاتىر. بۇل تۋرالى مسق الماتى فيليالى ديرەكتورى تىلەۋحان ابىلدايەۆ مالىمدەدى.  

ايتۋىنشا، فيليالمەن كەلىسىمشارت بەكىتكەن مەديسينا ۇيىمدارىنىڭ دەرەگىنە سۇيەنسەك، ايماقتاعى ەمحانالار مەن اۋرۋحانالاردىڭ قىزمەتكەرلەرى بيىلعى جىلدىڭ قاڭتار، اقپان، ناۋرىز جانە ءساۋىر، مامىر ايلارى ءۇشىن جالاقىنى تولىق الدى.

فيليال باسشىسىنىڭ ايتۋىنا قاراعاندا، 2018 جىلى الماتى قالاسىندا مەملەكەتتىك تاپسىرىس نەگىزىندە حالىققا تەگىن قىزمەت كورسەتۋگە نيەت بىلدىرگەن 171 مەديسينا مەكەمەسىمەن كەلىسىمشارت بەكىتىلگەن. ونىڭ 103ء-ى – جەكە مەنشىك كلينيكالار. كەلىسىمشارتتار العاشقى مەديسينالىق-سانيتارلىق كومەك، جەدەل جاردەم جانە باسقا دا باسىم باعىتتار بويىنشا بەكىتىلگەن. جالپى، 2018 جىلى الماتى قالاسى بويىنشا ەمدەۋ مەكەمەلەرىنەن تەگىن مەديسينالىق كومەك شەڭبەرىندە 94،7 ملرد تەڭگەنىڭ قىزمەتىن ساتىپ الۋ جوسپارلانىپ وتىر. ماۋسىمنىڭ 7-سىنە دەيىن وڭتۇستىك استانالىق جەتكىزۋشى كومپانيالارعا اۆانس رەتىندە 41،6 ملرد تەڭگە تولەندى. بۇل جالپى تولەنەتىن قارجىنىڭ 49 پايىزى دەدى ت.ابىلدايەۆ.

«جۇمىس كەستە بويىنشا ءجۇرىپ جاتىر جانە ول حالىققا كورسەتىلگەن مەديسينالىق كومەك ساپاسىن باقىلاۋدىڭ جاڭا تالاپتارىنا سايكەس جۇرگىزىلەدى. بولىنگەن قاراجات ەمدەۋ مەكەمەلەرىنىڭ وپەراسيالىق شىعىندارىن جابۋعا، اتاپ ايتقاندا، مەديسينا قىزمەتكەرلەرىنە جالاقى تولەۋگە جەتكىلىكتى»، - دەپ اتاپ ءوتتى ول.

ماماننىڭ سوزىنە سۇيەنسەك، فيليال ساراپشىلارى حالىققا كورسەتىلىپ جاتقان قىزمەت ساپاسىن قامتاماسىز ەتۋ جانە پاسيەنتتەر قۇقىعىن قورعاۋ ماقساتىندا تۇراقتى تۇردە مونيتورينگ جۇرگىزىپ وتىرادى. سونىمەن قاتار، ول حالىقتىڭ ەرەكشە سۇرانىسىنا يە بولىپ وتىرعان مەديسينالىق قىزمەت تۇرلەرىن انىقتاۋعا دا مۇمكىندىك بەرەدى.