2018 جىلعى 1 مامىرعا ەلىمىزدەگى حالىق سانى 18 232،0 مىڭ ادامدى قۇرادى، سونىڭ ىشىندە قالالىقتار – 10 492،2 مىڭ (57،5%)، اۋىلدىقتار – 7 739،8 مىڭ ادامدى (42،5%) قۇرادى. 2017 جىلعى 1 مامىرمەن سالىستىرعاندا حالىق سانى 238،5 مىڭ ادامعا نەمەسە 1،3% ءوستى، دەپ حابارلايدى Qamshy.kz اقپارات اگەنتتىگى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنە سىلتەمە جاساپ.
حالىقتىڭ تابيعي قوزعالىسى
احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2018 جىلعى قاڭتار-ساۋىردە تۋىلعاندار سانى 124،3 مىڭ ادامدى قۇرادى، بۇل 2017 جىلعى قاڭتار-ساۋىرگە قاراعاندا 2،4% كوپ. تۋۋدىڭ جالپى كوەففيسيەنتى 1000 ادامعا 20،70 تۋىلعانداردى قۇرادى.
2018 جىلعى قاڭتار-ساۋىردە رەسپۋبليكا حالقىنىڭ تابيعي ءوسىمى 2017 جىلعى قاڭتار-ساۋىرمەن سالىستىرعاندا 2،3 مىڭ ادامعا نەمەسە 3،1% كوبەيىپ، 79،5 مىڭ ادامدى قۇرادى. تابيعي ءوسىمنىڭ جالپى كوەففيسيەنتى 1000 ادامعا شاققاندا 13،24 ادامدى قۇرادى.
قاراستىرىلىپ وتىرعان كەزەڭدە قايتىس بولعاندار سانى 44،8 مىڭ ادامدى قۇرادى، بۇل 2017 جىلعى قاڭتار-ساۋىرگە قاراعاندا 1،1% كوپ. ءولىم-جىتىمنىڭ جالپى كوەففيسيەنتى 1000 ادامعا 7،46 قايتىس بولعانداردى قۇرادى.
2018 جىلعى قاڭتار-ساۋىردە رەسپۋبليكادا 1 جاسقا دەيىنگى 1095 نارەستە ءولىمى تىركەلدى. 2017 جىلعى قاڭتار-ساۋىرمەن سالىستىرعاندا 1 جاسقا دەيىنگى شەتىنەگەن نارەستە سانى 3،9% كوبەيدى.
نارەستە ءولىم-جىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2018 جىلعى قاڭتار-ساۋىردە 506 نارەستە قايتىس بولىپ، نارەستەلەر اراسىنداعى جالپى ءولىم سانىنىڭ 46،2% قۇرادى. تۋا بىتكەن اۋىتقۋلاردان 239 نەمەسە 21،8%، تىنىس ورگاندارى اۋرۋلارىنان – 89 نەمەسە 8،1%، ينفەكسيالىق پەن پارازيتارلى اۋرۋلاردان – 55 نارەستە نەمەسە 5% جانە جازاتايىم جاعدايدان، ۋلانۋدان جانە جاراقاتتان – 50 نەمەسە 4،6% نارەستە قايتىس بولدى.
2018 جىلعى قاڭتار-ناۋرىزدا نارەستە ءولىم-جىتىمىنىڭ كوەففيسيەتى 1000 تۋعاندارعا شاققاندا 8،81 قۇرادى.
كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2018 جىلعى قاڭتار-ساۋىردە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2017 جىلعى قاڭتار-ساۋىرمەن سالىستىرعاندا 24،9% كەمىپ، 4 421 ادام قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى 20،8% كوبەيىپ، 9 332 ادام قۇرادى، كوشى-قوننىڭ ايىرىمى - 4 911 ادام بولدى.
ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولۋدا.
- تمد ەلدەرىنەن كەلگەندەردىڭ ۇلەسى 77،3%؛
- تمد ەلدەرگە كەتكەندەردىڭ ۇلەسى 88،8% قۇرادى.
ءوڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 31،7% كۇرادى. ءوڭىرارالىق كوشى-قوننىڭ وڭ ايىرىمى:
- الماتى قالاسى – 11 905 ادام؛
- استانا قالاسى – 3 514 ادام؛
- ءوڭتۇستiك قازاقستان وبلىسى – 708 ادام؛
- اقمولا وبلىسى – 26 ادام؛
- ماڭعىستاۋ وبلىسى – 20 ادام قالىپتاستى
