«اق جول»: ۇبت ءۇشىن ءبىز بالالارىمىزدىڭ قاۋىپسىزدىگىنە ءقاۋىپ توندىرسەك، مۇنىڭ سوڭى تىم قىمباتقا تۇسپەي مە؟ – دەپۋتاتتار ۇيالى بايلانىستى بۇعاتتايتىن قۇرىلعىلاردى پايدالانۋدى شەكتەۋدى جانە ولاردى ارنايى قۇرال رەتىندە تانۋدى تالاپ ەتەدى.
ەگەر ءبىز ۇبت ءۇشىن بالالارىمىزدىڭ قاۋىپسىزدىگىنە ءقاۋىپ توندىرەتىن بولساق، مۇنىڭ سوڭى قىمباتقا تۇسپەي مە؟ – ءدال وسىنداي ساۋالىن كەڭەس ابساتيروۆ ۇكىمەتتىڭ اتىنا جولدادى. «اق جول» دەپۋتاتتارى ۇيالى بايلانىستى بۇعاتتايتىن قۇرىلعىلاردى پايدالانۋدى شەكتەۋدى جانە ولاردى ارنايى قۇرال رەتىندە تانۋدى تالاپ ەتەدى.
وزدەرىڭىزگە بەلگىلى، اقپارات پەن بايلانىس سالاسىنداعى قىزمەتتى جۇزەگە اسىرۋعا نيەت بىلدىرگەن كەز-كەلگەن تۇلعا «رۇقساتتار مەن حابارلامالار تۋرالى» زاڭدا بەلگىلەنگەن تارتىپپەن قاجەتتى رۇقساتتى (ليسەنزيانى) الۋعا مىندەتتى.
اقپاراتتىق تەحنولوگيالاردىڭ دامۋى اياسىندا ۇيالى بايلانىستىڭ قازاقستاندىق وپەراتورلارى قىزمەت كورسەتۋ اۋماعىن كەڭەيتۋمەن قاتار، قۇقىق قورعاۋ ورگاندارىنىڭ تىكەلەي تالابى بويىنشا، كەرىسىنشە، ۇيالى بايلانىسقا قولجەتىمدىكتى شەكتەي دە الادى.
وپەراتورلاردان بولەك، GSM-سيگنالدى بۇعاتتاۋ ءۇشىن ارنالعان تەحنيكالىق قۇرىلعىلاردىڭ كومەگىمەن بايلانىستى شەكتەۋ مۇمكىندىگى دە بار. بۇل قادامدار قاۋىپسىزدىكتى قامتاتاسىز ەتۋ ماقساتىندا جەدەل-ىزدەستىرۋ شارالارى كەزىندە جانە ۇلتتىق قاۋىپسىزدىك تۇرعىسىندا لاڭكەستىك قاتەرلەردىڭ الدىن الۋ بارىسىندا ىسكە اسىرىلادى.
وسى ورايدا 2015 جىلعى 27 شىلدەدەگى ۇكىمەت قاۋلىسىنا سايكەس، ق ر ۇلتتىق قاۋىپسىزدىك كوميتەتى جەدەل-ىزدەستىرۋ شارالارىن جۇرگىزۋ ءۇشىن ارنالعان ارنايى تەحنيكالىق قۇرىلعىلاردى جوندەۋ، ءوندىرۋ بويىنشا ليسەنزيار بولىپ بەلگىلەنگەن.
«اقجولدىقتار» بۇل شارالار مەن ءتيىستى شەكتەۋلەر تولىق نەگىزدى بولىپ وتىر دەپ سانايدى.
الايدا كەيىنگى كەزدە ۇيالى بايلانىستى بۇعاتتاۋشى قۇرىلعىلار ۇبت وتكىزۋ كەزىندە ءبىلىم بەرۋ جۇيەسىندە كەڭىنەن پايدالانىلادى. ماسەلەن، مەملەكەتتىك ساتىپ الۋلار پورتالىندا وسىنداي «بۇعاتتاۋشى» قۇرىلداردى ساتىپ الۋ تۋرالى ءبىلىم مەكەمەلەرىنەن وتىنىمدەردى كورۋگە بولادى.
سونىمەن بىرگە، بۇگىندە سايتتار مەن الەۋمەتتىك جەلىلەردە بۇل «بۇعاتتاۋشى» قۇرىلعىلاردىڭ جۇمىس ىستەۋ سيپاتتاماسىنان بولەك، ولاردى قولايلى باعامەن ساتىپ الۋ مۇمكىندىگى بايقالادى.
قولدانىستاعى زاڭناما «بۇعاتتاۋشى» قۇرالداردى ەلگە الىپ كەلۋ، ساتۋ جانە پايدالانۋ بويىنشا قانداي دا ءبىر نورمالاردى قاراستىرمايدى. سايكەسىنشە، ولاردى تاراتۋشىلار مەن پايدالانۋشىلاردىڭ ءىس-قيمىلدارى شەكتەلمەگەن.
اتالعان ارنايى قۇرىلعىلار پايداكۇنەمدىك ماقساتتاردا ەلەۋلى تۇردە ەكونوميكالىق ءارى الەۋمەتتىك زالال كەلتىرۋى ىقتيمال ەكەنىن ابساتيروۆ اتاپ ايتتى.
ياعني وسى قۇرىلعىلاردىڭ جۇمىس ىستەۋ سيپاتتاماسى GSM-سيگنالدى بۇعاتتاۋعا باعىتتالعاندىقتان، بۇل رەتتە لاڭكەستىك قاتەر تۋىنداعان كەزدە قۇتقارۋ قىزمەتتەرى مەن قاۋىپسىزدىك قىزمەتتەرى سيگنالدارى جۇمىسىنا كەدەرگى جاسالۋى مۇمكىن.
سونىمەن قاتار تولەم تەرمينالدارىنىڭ، بانكوماتتاردىڭ، شۇعىل جاعدايلاردا حابار تاراتۋ بارىسىندا سىمسىز جۇيەلەردىڭ جۇمىستارى بۇزىلادى.
«دەمەك، كەز كەلگەن ادام اتالعان قۇرىلعىنى تەك ۇبت كەزىندە مەكتەپتەردە عانا ەمەس باسقا جەرلەردە دە ىسكە قوسىپ ماڭىنداعى ۇيلەردى بايلانىستان اجىراتا الادى. سونىڭ ىشىندە – قۇتقارۋ قىزمەتتەرى مەن قاۋىپسىزدىك قىزمەتتەرى سيگنالدارى جۇمىسىنا كەدەرگى جاساۋى مۇمكىن. ەگەر ۇبت ءۇشىن ءبىزدى بالالارىمىزدىڭ ومىرىنە ءقاۋىپ توندىرۋگە يتەرمەلەيتىن بولسا، مۇنىڭ سوڭى تىم قىمباتقا تۇسپەي مە؟»، - دەپ «اقجولدىقتار» ءوز الاڭداۋشىلىعىن ءبىلدىردى.
ونىڭ ۇستىنە، مۇنداي جاعدايلار ورىن العان كەزدە بايلانىس وپەراتورلارى جاۋاپكەرشىلىكتەن باس تارتادى.
وسىعان بايلانىستى، «اق جول» قدپ فراكسياسى جوعارىدا ايتىلعان ۇيالى بايلانىستى بۇعاتتايتىن قۇرىلعىلاردى ەركىن اينالىمعا شىعارىلمايتىن جانە نارىقتا ساتىلمايتىن ارنايى قۇرالدار رەتىندە بەلگىلەۋ قاجەت دەپ ەسەپتەيدى. بۇدان باسقا، دەپۋتاتتار پرەمەر-مينيستردەن وسى ماسەلەنى تىڭعىلىقتى زەردەلەۋ جانە وسى سالانى زاڭنامالىق تۇرعىدان شەشۋ جونىندە شارالار قابىلداۋ ءۇشىن جاۋاپتى قىزمەتكەرلەرگە ءتيىستى تاپسىرمالار بەرۋىن سۇرادى.
«اق جول» قدپ جانە ونىڭ پارلامەنتتىك فراكسياسى سايلاۋالدى باعدارلامانى جۇزەگە اسىرۋ جانە سايلاۋشىلاردىڭ تىلەگىن ورىنداۋ بويىنشا جۇمىستاردى جالعاستىرۋدا.
پىكىر قالدىرۋ