شىمكەنتتىڭ بيۋدجەتى 183 ملرد تەڭگەگە ۇلعايادى

/uploads/thumbnail/20171213160050732_small.jpg

19 ماۋسىمدا ەلباسى نۇرسۇلتان نازاربايەۆ شىمكەنتكە رەسپۋبليكالىق ماڭىزى بار قالا مارتەبەسىن بەرۋ تۋرالى جارلىققا قول قويدى. ال الداعى جىلى قالاعا بولىنەتىن بيۋدجەت 183 ميللياردقا ۇلعايادى.

بۇل حابار24 حابارلادى.

—قوسىمشا قاراجات جولداردىڭ جوندەلۋىنە، جاڭا مەكتەپتەردىڭ سالىنۋىنا، دەمالىس ورىندارىنىڭ سالىنۋىنا، جول توراپتارىنا، اۆتوبۋس پاركىنىڭ جاڭارۋىنا جۇمسالادى. شىمكەنتتە تۇرعىن ءۇي كەشەنى سالىنادى. بۇل - 5،5  مىڭ «اقىلدى» پاتەر. شەتەلدىك كومپانيا قۇرىلىسىنىڭ العاشقى كەزەڭىندە عانا 160 ملرد تەڭگە ءبولۋدى كوزدەپ وتىر. «قالا ىشىندەگى قالا» شاعىن جانە ورتا بيزنەس وبەكتىلەرى، ساۋدا جانە ويىن-ساۋىق ورتالىقتارى، ەمحانالار، ساياباقتار، اللەيالار مەن دەمالىس ايماقتارى بار 12 توقساننان تۇرادى، - دەدى شىمكەنت قالاسى قۇرىلىس ءبولىم باسشىسى ابىلسەيىت رابايەۆ.

قالادا جىل سايىن 10 مىڭعا جۋىق ءسابي دۇنيەگە كەلەدى. سوعان ساي قالادا جاڭا 55 مەكتەپ سالىنادى. اكىمدىكتەگىلەردىڭ ايتۋىنشا،  قالانىڭ رەسپۋبليكالىق ماڭىزى بار قالا اتاناۋى ەكونوميكالىق وسىمگە اسەر ەتەدى. الەۋمەتتىك جانە تۇرعىن ءۇي سالالارىن قارجىلاندىرۋ ۇلعايتىلاتىن بولادى. ينفراقۇرىلىمدى قۇرىلىس جۇمىستارى كۇشەيتىلەتىن بولادى. ونىڭ ىشىندە جارىقتى، گازدى جانە سۋدى جۇرگىزۋ بويىنشا قارقىندى جۇمىس جۇرگىزىلەدى.  بيىلعى جىلدىڭ سوڭىنا دەيىن قالادا ءبىرىڭعاي تەگىس جول بولادى.

— شىمكەنت ماڭىزى بار قالا مارتەبەسىن العانعا دەيىنگى بيۋدجەت 137 ميللياردتى قۇراعان، قالانىڭ ءوز كىرىسى – 64 ملرد، قالعان 35-37 ملرد – وبلىستىق بيۋدجەت، 18 ميلليارد - سۋبۆەنسيالار. ال جاڭا بيۋدجەت بويىنشا قالانىڭ ءوز كىرىسى 87 ملردتى قۇرايدى، - دەدى شىمكەنت قالاسى اكىمىنىڭ ورىنباسارى گۇلجان قۇرمانبەكوۆا.

پىكىر قالدىرۋ

قاتىستى ماقالالار