ۋكراينا رەسەيدىڭ بىرنەشە ساياسي پارتياسى مەن قوعامدىق قوزعالىسىنا، ورتالىق سايلاۋ كوميسسياسىنا، بۇعان قوسا رەسەيدىڭ پرەزيدەنتكە جاقىن كاسىپكەرلەرىنە قارسى سانكسيا سالدى. 21 ماۋسىمدا شىققان ءتيىستى جارلىققا ۋكراينا پرەزيدەنتى پەتر پوروشەنكو قول قويدى.

اكتيۆتەردى بۇعاتتاۋ مەن جەكە تۇلعالاردىڭ ەلگە كىرۋىنە تىيىم سالىنعانى جايلى قۇجات تىزىمىنە «بىرلەسكەن رەسەي»، رەسەيدىڭ ليبەرالدىق-دەموكراتيالىق پارتياسى، رف-نىڭ كوممۋنيستىك پارتياسى، «وتان»، «رەسەي پاتريوتتارى»، «اگرارلىق پارتيا» جانە «رەسەيدىڭ دەموكراتيالىق پارتياسى» كىردى.

بۇعان قوسا ورتالىق سايلاۋ كوميتەتىنىڭ باسشىسى ەللا پامفيلوۆا مەن ورىنباسارى نيكولاي بۋلايەۆ قارا تىزىمنەن كورىندى. سونىمەن قاتار بىرنەشە قوعامدىق قوزعالىس ۇيىمدارى دا بار.

ۋكراينا رەسەيگە قارسى سانكسيالاردى 2004 جىلدان باستاپ ەنگىزە باستاعان. رەسەيلىك ب ا ق، مەملەكەتتىك كومپانيالار، ساياساتكەرلەر، كاسىپكەرلەر جانە قوعام قايراتكەرلەرىنە قارسى سالىنعان العاشقى سانكسيالار قىرىم اننەكسياسىنا بايلانىستى بولعان.