دارىگەرلەر بالالار ۇستىنە جانارماي قۇيىپ، ورتەپ جىبەرگەن ماكسيم لەگوستايەۆتىڭ جاعدايى تۋرالى ايتىپ بەردى.

«التى جاسار پاسيەنت 17 ماۋسىمنان بەرى №2 اۋرۋحانادا تۇراقتى ەم قابىلداپ جاتىر. بالانىڭ باسى، موينى، ارقاسى مەن يىقتارىن كۇيىك شالعان»، - دەدى جامبىل وبلىستىڭ دەنساۋلىق ساقتاۋ باسقارماسى.

قازىرگى ۋاقىتتا بالانىڭ جاعدايى جاقسى. ەم قابىلداۋ بارىسىندا كۇيىك 18 پايىزدان 12 پايىزعا دەيىن قايتقان. ءارى ەم قابىلداۋ پروسەسى تەگىن ءجۇرىپ جاتىر.

بۇعان دەيىن ماكسيمگە ەكى مارتە وپەراسيا جاسالدى، كۇيگەن تەرىسىنىڭ ورنىنا باسقا تەرى ورنالاستىرىلدى. ءالى قولدارى مەن ارقاسىنا بىرنەشە وپەراسيا جاسالماق.

ايتا كەتەيىك، 17 ماۋسىمدا ماكسيم №2 اۋرۋحانانىڭ رەانيماسيا بولىمىنە تۇسكەن. بالالار ونى ڭ ۇستىنە جانارماي توگىپ، كەيىن ورتەپ جىبەرگەن. وقيعا ويىن ۇستىندە بولدى. اتالمىش ىسكە قاتىستى سوتقا دەيىنگى تەرگەۋ جۇمىستارى جۇرگىزىلىپ جاتىر.