بىرىككەن ۇلتتار ۇيىمىنىڭ يۋنيسەف بالالار قورى مەن قۇقىقتىق مەديا-سەنتر 18 ماۋسىم حالىقارالىق اكەلەر كۇنىنە وراي بۇقارالىق اقپارات قۇرالدارى اراسىندا بايقاۋ جاريالاعان بولاتىن. وسى اپتادا استاناداعى ۇيىم وفيسىندە بايقاۋ جەڭىمپازدارىن ماراپاتتاۋ ءراسىمى ءوتتى. يۋنيسەف-تىڭ قازاقستانداعى وكىلدىك باسشىسى يۋريي وكساميتنىي «قازاق تىلىندەگى ەڭ ۇزدىك ماقالا»، «ورىس تىلىندەگى ەڭ ۇزدىك ماقالا»، «الەۋمەتتىك جەلىدەگى ۇزدىك پوست» اتالىمدارى بويىنشا ەرەكشە جاريالىم اۆتورلارىن ماراپاتتادى.

حالىقارالىق جۋرناليست شارافات جىلقىبايەۆانىڭ «قامشى» پورتالىندا جاريالانعان «تاۋقىمەتتى جەڭگەن اكە» دەپ اتالاتىن ماقالاسى قازاق ءتىلدى جۋرناليستەر اراسىنداعى ەڭ ۇزدىك ماتەريال دەپ تانىلدى. ال «Zakon.k» ءجۋرناليسى ديليارا ازانبەكوۆا ورىس تىلىندەگى ۇزدىك ماقالا اۆتورى، اسەل تۇرسىنعازينا مەن NovaCity.kz پورتالىنىڭ ءتىلشىسى الەۋمەتتىك جەلىدەگى ۇزدىك جاريالىم اتالىمى بويىنشا  جەڭىمپاز اتاندى.

 «ءبىز ءۇشىن اكەلەردىڭ بالا تاربيەسىندەگى جاۋاپكەرشىلىگى تاقىرىبىنا نازار اۋدارۋ ماڭىزدى. ءسابي دۇنيەگە كەلگەن ساتتەن باستاپ اكەنىڭ وعان دەگەن قامقورلىعى بالا ميىنىڭ دامۋىنا، ارى قاراي وسىپ-جەتىلۋىنە ىقپال ەتەدى. بالانىڭ وقۋعا ىنتا-جىگەرىنىڭ ارتۋىنا دا اكە قامقورلىعىنىڭ اسەرى بار» دەدى، يۋريي وكساميتنىي ماراپاتتاۋ راسىمىندە. 

 «قامشى» پورتالىنداعى قايسار اكە تۋرالى ماقالانى مىنا سىلتەمەدەن وقىڭىز.