قازاقستاننان وزگە ەلدەرگە قونىس اۋدارىپ جاتقان قازاقستاندىقتاردىڭ سانى جىل ساناپ ارتىپ كەلەدى. ق ر ءىىم دەرەگى بويىنشا، 2018 جىلى قاڭتار مەن مامىر ارالىعىنداعى نەبارى بەس اي ىشىندە 40 مىڭ قازاقستاندىق وزگە ەلگە كوشىپ ۇلگەردى.

شەت ەلگە شىعۋ ءۇشىن راسىمدەلگەن قۇجاتتاردىڭ كوبى قوستاناي، باتىس قازاقستان، قاراعاندى، پاۆلودار جانە الماتى وبلىستارىندا تىركەلگەن. ال قازاقستاندىقتار كوبىنە رەسەي، گەرمانيا، پولشا، اقش، كانادا جانە يزرايلگە قونىس اۋدارىپتى.

سالىستىرمالى تۇردە الىپ قارايتىن بولساق، ستاتيستيكا كوميتەتىنىڭ دەرەكتەرىنە سايكەس 2017 جىلى ەلدەن 37 725 ادام شىققان. وسى جىلى قونىس اۋدارۋ كورسەتكىشى ەداۋىر وسكەن.

يا REGNUM اگەنتتىنىڭ مالىمدەۋىنشە، ەميگراسيانىڭ وسۋىنە «جۇمىس ورىندارىنىڭ ازدىعى»، «تومەن جالاقى»، «جوعارى ءبىلىم ساپاسىنىڭ تومەندەۋى»، «جەمقورلىق جانە بيۋدجەتتىك قاراجاتتى ءتيىمسىز پايدالانۋ»، «ايەلدەردىڭ زەينەتكە شىعۋ جاسىنىڭ ارتۋى» سىندى ماسەلەلەر اسەر ەتكەن كورىنەدى.