وڭتۇستىك كورەياداعى مۇناي ءوندىرۋشى زاۋىت اقش سانكسيالارى اسەرىنەن يراندىق مۇنايدان باس تارتىپ وتىر. بۇل شەشىم 2018 جىلدىڭ قاراشاسىندا كۇشىنە ەنەدى. قۇجات كۇشىنە ەنگەن بويدا وڭتۇستىك كورەيا مۇنايدى ەندىگى قازاقستاننان يمپورتتايتىن بولادى. بۇل تۋرالى Reuters اگەنتتىگى حابارلادى.

وڭتۇستىك كورەيا 2018 جىلى مۇنايدىڭ CPC Blend سورتىن 2017 جىلعا قاراعاندا ءتورت ەسەگە كوپ يمپورتتاعان. ەندى ازيانىڭ نەگىزگى قولدانۋشىسى يراندىق مۇنايدى قازاقستاندىق مۇنايمەن الماستىرماقشى. 

"الەمدىك مۇنايدىڭ ءۇش پايىزىن پايدالاناتىن وڭتۇستىك كورەيا مۇنايدىڭ CPC Blend سورتىن ساتىپ الادى. سەبەبى اقش-تىڭ تەگەرانعا قاتىستى سانكسيالارىنىڭ اسەرىنەن يراننان يمپورتتاۋدان باس تارتتى"، - دەلىنگەن اگەنتتىكتىڭ حابارلاماسىندا.

وڭتۇستىك كورەياعا CPC Blend مۇنايىن جەتكىزۋ مولشەرى ماكسيمالدى دەڭگەيگە جەتتى، ەسەسىنە يراندىق يمپورت ازايدى. اگەنتتىكتىڭ دەرەگىنە سايكەس، شىلدەدەگى كورسەتكىش 284 000 باررەلگە جەتكەن ەكەن.

2018 جىلدىڭ قاڭتارى مەن شىلدەسى ارالىعىندا وڭتۇستىك كورەيا 4 ملن توننا CPC Blend ساتىپ الدى. ناتيجەسىندە 2018 جىلى كاسپيي قۇبىر جەلىسى بىرلەستىگىنىڭ قۋاتى تاۋلىك ىشىندە 20 پايىزعا، ياعني 67 ملن تونناعا نەمەسە 1،4 ملن باررەلگە ارتتى. سونىڭ ارقاسىندا ەكسپورت كولەمى ارتىپ، باعاسى تومەندەۋى ءتيىس. ازيالىق ساراپشىلاردىڭ سوزىنشە، CPC Blend سورتىنىڭ ساپاسى يراندىق شيكى مۇنايدان الدەقايدا جوعارى.