موڭعولياداعى بايان-ولگەي ايماعىن سەل باستى. سونىڭ سالدارىنان  275 ءۇي مەن عيمارات سۋ استىندا قالدى. بۇل تۋرالى جەرگىلىكتى مونسامە اگەنتتىگى حابارلادى.

ايماقتىڭ ارنايى كوميسسياسى تاراتقان دەرەكتەرگە سايكەس، بىرنەشە وتباسى زارداپ شەكتى. قۇتقارۋ جۇمىستارىنا 124 ادام، 27 تەحنيكالىق بىرلىك، 340 اسكەر مەن پوليسيا قىزمەتكەرلەرى، ەلەكتريكتەر جۇمىلدىرىلدى. قازىرگى ۋاقىتتا 163 ادام ءقاۋىپسىز ايماقتارعا كوشىرىلدى. تاعى 95ء-ى ولگەي ايماعىنداعى مەكتەپ جاتاقحاناسىنا ورنالاستىرىلدى. دەرەكتەرگە سايكەس، ادام شىعىنى تىركەلگەن جوق.

توتەنشە جاعداي كوميتەتى قيراپ قالعان عيماراتتاردىڭ سانىن شىعارىپ، ءۇيسىز قالعان وتباسىلارعا كومەك كورسەتۋ جۇمىستارىن باستاپ كەتتى.

مەتەرولوگيا جانە گيدرولوگيا ورتالىعىنىڭ حابارلاۋىنشا، 21 شىلدەگە دەيىن جاۋىن-شاشىندى بولۋى ىقتيمال. اسپان ءالى بۇلتتى. 

ايتا كەتەيىك بايان-ولگەي ايماعىندا ەتنيكالىق قازاقتار دا ءومىر سۇرەدى.

2016 جىلى 10-11 شىلدەدە قاتتى جاۋعان جاڭبىردىڭ سالدارىنان بايان-ولگەيدى سەلباسىپ، 700 ادام باسپاناسىز قالعان. ءۇيسىز قالعانداردىڭ اراسىندا ەتنيكالىق قازاقتار دا بولدى. وسىعان وراي قازاقستانداعى بەلسەندى جاستار ارنايى قور قۇرىپ، قانداستارىمىزعا كومەك رەتىندە 200 مىڭ دوللارعا جۋىق قاراجات جىبەرگەن ەدى.