ءبىر اپتا بويى الماتىلىقتاردىڭ باستى تالقىلايتىن تاقىرىپتارى "اتاكەنت" الدىنداعى الىپ ءتيىن بولدى. 23 ميلليون تەڭگە جۇمسالعان ءمۇسىندى تۇرعىندار جەردەن الىپ، جەرگە سالدى. ءبىرى قوماقتى قارجىنىڭ قاجەتسىز دۇنيەگە جۇمسالعانىن ايتىپ نالىسا، ەندى ءبىرى مۇسىننەن ءمان-ماعىنا ىزدەپ الەك. الايدا قانشا ايتىپ تاۋسىلعانىمىزبەن ءتيىن جاسالدى، قالانىڭ ورتاسىندا مولدىرگەن جانارىمەن الماتىلىقتارعا كوز سالىپ تۇر. ال ءدال سونداي الىپ ءمۇسىن ەلوردادا پايدا بولسا شە؟ استانا اكىمدىگى وسىعان قاتىستى پىكىر ءبىلدىردى. 

كەلىسىم جانە بەيبىتشىلىك سارايى ماڭىندا الىپ ءتيىننىڭ ءمۇسىنىن ورنالاستىرۋدى استانا اكىمدىگى قاجەت دەپ سانامايدى.

«جىل باسىندا مۇنداي ۇسىنىس ايتىلعان، الايدا ول تالقىلانبادى»، - دەدى «نيپي «استاناگەنپلان» ج ش س ديرەكتورىنىڭ ورىنباسارى اسحات سادۋوۆ.

ال ەلورداعا ونداي ءتيىننىڭ قاجەتتىلىگى جايلى سۇراعاندا سادۋوۆ ءبۇي دەدى.

«استاناعا ەل تۇسىنەتىن ارت-باعدارلاما كەرەك. ءتيىن بولسىن، سارىشۇناق، ماسا نەمەسە تورعاي بولاتىنىن سۋرەتشىلەر شەشەدى، ەڭ باستىسى حالىققا تۇسىنىكتى بولۋ كەرەك. مۇنىڭ ءبارى ونەر، تەك باعدارلاما كەرەك»، - دەپ ءتۇسىندىردى اسحات سادۋوۆ.

بۇدان بۇرىن ەلوردادا الىپ سارىشۇناقتىڭ ءمۇسىنىن ورناتۋ ۇسىنىلعان ەدى. اۆتورلاردىڭ يدەياسىنا سايكەس، جانۋار ەكى قولىن ىشىنە قويىپ تۇرۋى ءتيىس ەدى. ءمۇسىندى جاساۋ ءۇشىن رەسەيدەن ارنايى مامان شاقىرىلعان. رەسەيلىك مامان سەرگەي كوۆاليەۆسكيي يدەيانى جانداندىرۋ ءۇشىن بەلگىلى گوللانديالىق سۋرەتشى فلورەنتينا حورفماننىڭ كومەگىنە جۇگىنۋدى ۇسىندى.