العاش رەت الماتىداعى «سايران» وزەنىندە ترياتلون بويىنشا ازيانىڭ اشىق كونتينەنتالدى كۋبوگى باستالدى، مۇندا 16 ەلدىڭ، سونىڭ ىشىندە اۆستراليانىڭ، بەلگيانىڭ، جاپونيانىڭ، وڭتۇستىك كورەيانىڭ جانە باسقالارىنىڭ 60-تان استام اتلەتتەرى مەدالدار ءۇشىن كۇرەسەتىن بولادى.

حالىقارالىق سپورت سايىسى ەكى كۇنگە سوزىلادى. ءبىرىنشى كۇنى جۇگىرۋدەن، جۇزۋدەن، ۆەلوسپورتىنان كاسىبيلەر جارىسقا تۇسەدى، ال ەكىنشى كۇنى ءار ءتۇرلى جاستاعى تىركەلگەن 150-دەن استام اۋەسقويلار باسەكەگە قاتىسادى.

«ءبىز قازىرگى كەزدە قالا تۇرعىندارىنىڭ بەلسەندى جانە سالاۋاتتى دەمالۋى – ۆەلوسيپەد تەبۋى، جۇگىرۋى، جاياۋ ءجۇرۋى ءۇشىن ۇلكەن مۇمكىندىكتەردى جاساۋدامىز. قالادا 68 كيلومەتر ۆەلوجولدار اباتتاندىرىلدى، تاياۋ جىلدارى ءبىز ولاردى 100 كيلومەترگە دەيىن جەتكىزەمىز، اۋلالاردا سپورت الاڭدارىن جاساۋ جالعاسۋدا، جاياۋ جۇرگىنشىگە باسىمدىق بەرەتىن كوشەلەر جاسالۋدا. وسىنىڭ بارلىعى قالا تۇرىندارى مەن قوناقتارىنا جايلى بولۋ ءۇشىن اتقارىلۋدا. قازىرگى كەزدە ستۋدەنتتەر اراسىندا فۋتزالدان وتەتىن الەم چەمپيوناتىنا دايىندالۋدامىز، حالىقارالىق القالى سايىس ءبىزدىڭ قالامىزدا تامىز ايىنىڭ سوڭىندا وتەدى، وعان الەمنىڭ 24 ەلىنىڭ سپورتشىلارى قاتىسادى»، - دەپ اتاپ ءوتتى ءوزىنىڭ قۇتتىقتاۋ سوزىندە الماتى اكىمى باۋىرجان بايبەك.

جارىسقا دايىندىق بارىسىندا سايران وزەنىنىڭ جاعالاۋىن اباتتاندىرۋعا قاتىستى اۋقىمدى جۇمىستار جۇرگىزىلدى. «تازا قالادا ءومىر ءسۇر!» اكسياسى بارىسىندا سۋ ارنالارى تازارتىلدى، 6 توننادان استام قوقىس شىعارىلدى، بالالار جانە سپورت الاڭدارى سالىندى، سونىڭ ىشىندە فۋتبول الاڭى مەن ۇزىندىعى 5 كم بولاتىن جۇگىرۋ جولى ىسكە قوسىلدى.

ايتا كەتەرلىگى، جىل باسىنان بەرى الماتىدا 250 مىڭنان استام ادامدى قامتىعان 2،5 مىڭنان استام سپورتتىق جانە دەنەشىنىقتىرۋ-ساۋىقتىرۋ شارالارى ءوتتى، سونىڭ ىشىندە 2،5 مىڭنان استامى مۇمكىندىگى شەكتەۋلى ازاماتتار.

قالادا ۇلتتىق سپورت تۇرلەرىن دامىتۋعا ۇلكەن نازار اۋدارىلادى. قالانىڭ بارلىق اۋداندارىندا قازاق كۇرەسى بويىنشا سەكسيالار اشىلعان، قازاقتىڭ ۇلتتىق «بەلدەسۋ» كۇرەسى قايتا جاڭعىردى، الماتى يپپودرومىنىڭ جۇمىسى قولعا الىندى.

«سپورت مەنىڭ اۋلامدا» جوباسى بويىنشا سپورتپەن تۇراقتى اينالىساتىن 18 مىڭعا جۋىق بالالاردى قامتيتىن اۋلاداعى سپورت الاڭدارىنىڭ سانى ارتتى. تۇرمىسى تومەن وتباسىلاردىڭ بالالارىن سپورتقا كەڭىنەن تارتاتىن جانە جەكە سپورت ۇيىمدارىن تىكەلەي كومپەنساسيالايتىن «باتىل بول» جوباسى جۇزەگە استى.