باكييەۆا گۇلنار ناريمان قىزى جالعىزباستى انا، ەكىنشى توپتاعى مۇگەدەك. ول وزىنە ەمەس، قىزى ءۇشىن حالىقتان كومەك سۇراپ وتىر. باۋىر ەتى بالاسى ءۇشىن انا جۇرەگى دامىل تاپپاي، بالامدى قايتسەم جەتىلدىرەم، قاتارىنان قالدىرماي ءبىلىم بەرەمىن دەپ تىراشتانىپ ءجۇر.

12 جاستاعى الابينا بيىل 6-شى سىنىپقا بارادى.  الايدا مەكتەپكە بارۋعا دايىن ەمەس. مورالدىق تۇرعىدا ەمەس، ماتەريالدىق جاعىنان. العاشقى قوڭىراۋعا ساناۋلى كۇندەر قالسا دا الابينانىڭ وقۋعا قاجەتتى قۇرال-جابدىقتارى، ءتىپتى كيەتىن كيىمى جوق. گۇلنار ناريمان قىزى «جاعدايىم مۇلدە بولماي تۇرعاندىقتان، امالسىزدان حالىقتان كومەك سۇراۋعا ءماجبۇرمىن»، دەيدى.

- ءقازىر ءبارى قىمبات. جىلدان جىلعا مەكتەپكە قاجەتتى جابدىقتار، كيىم قىمباتتاپ جاتىر، - دەيدى اشىنعان انا.

ولمەستىڭ كۇيىن كەشكەن وتباسى ايىنا 60 مىڭ تەڭگەگە كۇنەلتىپ كەلەدى. ونىڭ 40 مىڭى مۇمكىندىگى شەكتەۋلى جانعا بەرىلەتىن جاردەماقى بولسا، 20 مىڭىن كۇزەتشى رەتىندە الادى. جالعىزباستى انا رەتىندە بەرىلەتىن جاردەماقىنى الۋدىڭ ماشاقاتى كوپ ەكەن.

- ءجۇرىپ، تۇرۋىم قيىن. ال جاردەماقى الۋ ءۇشىن قانشا ەسىكتى قاعىپ، قانشا تابالدىرىقتى توزدىرۋىڭ قاجەت. وعان مەنىڭ فيزيكالىق تۇرعىدا مۇمكىندىگىم جوق. ونىڭ ۇستىنە كەيبىر انىقتاما اقىلى. وعان بەرەر اقشام دا جوق، دەيدى گۇلنار ناريمان قىزى.

الابينانىڭ اكەسى قىزىنا ەشقانداي كومەك كورسەتپەيدى ەكەن. اليمەنت ماسەلەسىن شەشۋ قايتا «جۇگىرۋگە» تىرەلەدى.

گۇلناردىڭ باسپاناسى جوق، ال پاتەر جالداپ تۇرۋعا قارجىلىق جاعدايى كەلمەيدى. سوندىقتان اناسىنىڭ 3 بولمەلى ۇيىندە قىزى ەكەۋى 8 اداممەن بىرگە تۇرۋعا ءماجبۇر. پاتەر اقى تولەمەسە دە قىزى ەكەۋىنىڭ ۇيدە تۇرىپ جاتقانىنىڭ اقىسى رەتىندە ۇلكەن وتباسىن ازىق-تۇلىكپەن قامتاماسىز ەتىپ وتىر.

جانى نازىك بولا تۇرا، ءومىردىڭ بۇرالاڭ جولدارىنا شىداپ، قىزىن ءوسىرىپ، جەتىلدىرۋ ماقساتىندا  بەرىلمەي كەلە جاتقان قايسار انا حالىقتان كومەك سۇراپ وتىر.

كومەككە ءزارۋ ادامعا قول ۇشىن بەرۋ – ادامشىلىقتىڭ باستى بەلگىلەرىنىڭ ءبىرى. الابيناعا قارجىلاي نەمەسە كيىم-كەشەك، مەكتەپكە ارنالعان جابدىق تۇرىندە كومەك كورسەتەمىن دەسەڭىزدەر مارحابات. باكييەۆا گۇلنار - 87074840774

كاسپيي گولد - 5169493159723363.

الابيناعا قاجەتتى جابدىقتار: قالام – 20. ءتۇرلى-تۇستى قارىنداش – 24. قارىنداش – 2 قوراپ. وشىرگىش – 5. ۇشتاعىش – 5. پەنال – 1.  ريۋكزاك-1. دەنە شىنىقتىرۋ ساباعىنا ارنالعان كيىمدى سالاتىن قوراپ. سىزعىش – 1 قوراپ. سيركۋل – 1. قىل قالام – 1 قوراپ. 19 ءتۇستى كراسكا – 1. ءتۇرلى ءتۇستى قالام – 24. البوم – 2. فلوماستەر -1. پلاستەلين-1. ءتۇرلى ءتۇستى قاعاز – 2. ءتۇرلى ءتۇستى كارتون – 2. جازۋ داپتەرى – 30. تور داپتەر – 30. قالىڭ داپتەر – 10. پۆا-2 جەلىم. دەنە شىنىقتىرۋ ساباعىنا ارنالعان كيىم. اق فۋتبولكا – 2. مايكا – 2. كولگوتكي. شۇلىق. كوك ءتۇستى شالبار – 2. تۋفلي. (اياق كيىمىنىڭ ولشەمى -35). كروسسوۆكي. يۋبكا – 2 (ولشەمى -36). بانتيك - 2.  بلۋزكا – 2 (قىسقا جانە ۇزىن جەڭدى).

گۇلنار قولى قالت ەتسە ولەڭ جازادى. ونىڭ ءبىرىن مارقۇم دەنيس تەنگە ارناعان ەكەن. جاس تالانتتىڭ قىرشىننان قيىلعانى جانىنان قاتتى باتقانىن ايتادى.