"ءبىزدىڭ دەنيس" كىتابىنىڭ ەلەكتروندىق نۇسقاسى مادەنيەت جانە سپورت مينيسترلىگىنىڭ رەسمي سايتىندا جاريالانعان بولاتىن دەپ حابارلايدى Qamshy.kz اقپارات اگەنتتىگى.  مينيسترلىكتىڭ باسپا ءسوز قىزمەتى ۇسىنعان مالىمەتكە سايكەس، ءبىر ايدىڭ ىشىندە ەلەكتروندى كىتاپتى  1000000   ادام جۇكتەپ الدى. سونىڭ ىشىندە قازاقستان (30 پايىز)، رەسەي (15 پايىز)، قىرعىزستان ( 8 پايىز)، وڭتۇستىك كورەيا (13 پايىز)، وزبەكستان (6 پايىز)، فرانسيا (8 پايىز)، امەريكا (10 پايىز)، تۇركيا ( 3 پايىز)، يتاليا ( 4 پايىز)، كانادا (3 پايىز) جانە تاعى باسقا ەلدەردىڭ ازاماتتارى بار. ايتا كەتەيىك، ق ر مادەنيەت جانە سپورت مينيسترلىگىنىڭ تاپسىرىسى بويىنشا ق ر ۇلتتىق اكادەميالىق كىتاپحاناسى قازاقستاندىق تانىمال مانەرلەپ سىرعاناۋشى دەنيس تەننىڭ قازا تابۋىنا بايلانىستى «ءبىزدىڭ دەنيس» دەپ اتالاتىن كىتاپ شىعاردى. كىتاپتا سپورتشىنىڭ ءومىربايانى، جارقىن سۇحباتتارى، سونداي-اق ەل، وتباسى جانە ءومىر تۋرالى ايتىلعان پىكىرلەرى كەلتىرىلگەن. وندا دەنيستىڭ سيرەك كەزدەسەتىن جانە جارىستار مەن ءار ءتۇرلى ءىس-شارالاردان ەستەلىك فوتوسۋرەتتەرى، سونداي-اق الەمدىك جانە قازاقستاندىق جۇلدىزداردىڭ ەستەلىكتەرى بار