پسيحولوگياعا قىزىعاتىن جاندار لۋيزا حەي دەگەن ەسىمدى جاقسى تانيدى. موتيۆاسيانى ماي شاممەن ىزدەپ جۇرگەندەر دە تۇبىندە لۋيزا حەيدىڭ جازعاندارىن شولىپ وتەدى. ءتان ازابىنان بۇرىن جان ازابىن تارتىپ جۇرگەنىمىز كوپ بولعاندىقتان لۋيزا حەيدىڭ كىتاپتارىن جاي عانا كوزبەن شالىپ وتپەي، كوڭىلگە توقىپ، ساناعا ءتۇيىپ، ون رەت قايتالاپ وقۋ قاجەت سياقتى. «قامشى» جاقسىلىقتىڭ جارشىسى بولعىسى كەلەدى. سوندىقتان دا جازۋشى مىرزاگەلدى كەمەلدىڭ اۋدارماسىنداعى لۋيزا حەيدىڭ «كوگىلدىر كىتابىن» بىرنەشە بولىمگە بولە وتىرىپ، تۇراقتى تۇردە وقىرماننىڭ نازارىنا ۇسىنىپ وتىرۋدى ءجون دەپ شەشتى. ءبىرىنشى، ەكىنشى، ءۇشىنشى بولىمدەر  سايت بەتىنەن شىعىپ ۇلگەرگەن بولاتىن. ەندىگى كەزەك ءتورتىنشى بولىمدە. اتالمىش ءبولىم تانىمىزدەگى اۋرۋلاردىڭ پايدا بولۋ سەبەبىنە ارنالعان. قاتەرلى ىسىكتى نەبارى 6 ايدا جەڭىپ، بارشا دارىگەرلەرىن تاڭ قالدىرعان، 2017 جىلى 91 جاسىندا اۋىرماي-سىرقاماي كوز جۇمساعان لۋيزانىڭ وقيعاسى جىگەرىن جاسىتىپ العان جاستارعا ۇلگى بولسىن دەيمىز.

ءىءى تاراۋ. ءوز ءتانىڭدى ەمدە

(ءتان اۋرۋىنىڭ پسيحولوگيالىق سەبەپتەرى جانە ونى جەڭۋدىڭ مەتافيزيكالىق جولدارى)

ناق وسى ساتتەگى كۇش الۋ نۇكتەسى

كۇش الۋ نۇكتەسى ءبىزدىڭ سانامىزدا – وسى جەردە جانە ءقازىر قاتىسىپ تۇر. جانە، ول، ءبىزدىڭ ويلارىمىزدىڭ تەرىس بولعانىنا، بىزگە كەسەل كەلگەنىنە، توڭىرەگىمىزدەگىلەرمەن قاتىناسىمىز بۇزىلعانىنا، اقشانىڭ تاۋسىلعانىنا، ءوزىڭدى-وزىڭ جەك كورە باستاعانىڭا بايلانىسسىز، وزگەرىستەردى باستاۋ ەشقاشان كەم ەمەس. بۇل ۋاقىتقا دەيىن ءبىزدىڭ ءومىرىمىز بەن تاجىريبەمىز ءبىزدىڭ باسىمىزدا تۇرعان ويلار ارقىلى قۇرىلعان، ءبىز ول ويلاردى ۇدايى پايدالانىپ جۇرگەنبىز. سويتكەنمەن بۇل ويلار وتكەننىڭ ەنشىسىندە، بۇل مارەدەن ءبىز ءوتىپ كەتتىك. ءبىزدىڭ بۇگىنگى، ناق وسى ساتتەگى ويلارىمىز بەن سوزدەرىمىزدەن ءبىزدىڭ ەرتەڭىمىز، ارعى كۇنىمىز، ودان ارعى كۇنىمىز، كەلەسى اپتا، اي، جىل، ت.ت. بايلانىستى. سالماق نۇكتەسى قاشاندا وسى ساتتە تۇر. ءقازىر، مىنە، وسى ساتتە ءبىز ءوز ءومىرىمىزدى وزگەرتۋدى باستادىق. قانداي جەڭىلدەتەتىن وي! ءبىز ءوزىمىزدىڭ بۇرىنعى ساناسىزدىعىمىزدان ارىلۋدى باستاي الامىز. تاپ ءقازىر. تىپتەن كىشكەنە عانا باستاپقى قادام شەشۋشى بولىپ كەتۋى مۇمكىن.

بالا كۇنىڭىزدە ءسىز تازا كوڭىل مەن ماحابباتتىڭ ءوزى بولدىڭىز. ءسىز ءوزىڭىزدىڭ ماڭىزدىلىعىڭىزدى سەزىنىپ، ءوزىڭىزدى كەڭىستىكتىڭ ورتاسى دەپ سەزىندىڭىز. سىزدە ەرجۇرەكتىك مول بولاتىن، ءسىز وزىڭىزگە نە كەرەك بولسا، سونى تالاپ ەتە الدىڭىز جانە ءسىز ءوز سەزىمىڭىزدى اشىق بىلدىرە الدىڭىز. ءسىز ءوز ءتانىڭىزدى ءسۇيدىڭىز، ونىڭ ءاربىر مۇشەسىن سۇيە ءبىلدىڭىز. ءسىز ءوزىڭىزدى ابدەن جەتىلگەن دەپ سانادىڭىز. ءومىر شىندىعى دا ناق سولاي بولاتىن.

ءسىز مىنا سوزدەردى كوپ ايتاسىز با: “مىنە، مەن قانداي اداممىن” نەمەسە “بۇل سولاي، وعان ەشتەڭە جاساي المايسىڭ”. شىن مانىندە ءبىز “وزىمىزگە شىندىق سەكىلدى بولىپ كورىنگەن” نارسەنى ايتامىز. ادەتتە ءبىزدىڭ سەنىمىمىز – ول وزگە ادامداردىڭ ءبىز قابىلداعان جانە ءبىزدىڭ ءوز كوزقاراسىمىز جۇيەسىنە كىرگىزىپ قويعان پىكىرى. ەگەر ءبىزدى بالالىق شاعىمىزدا: بۇل ءومىر – تۇنىپ تۇرعان قيىندىق دەپ ۇيرەتتى دەسەك، وندا ءبىز وسى پىكىرمەن سايكەس كەلگەن ويعا ۇدايى سەنەمىز دە، ونى ءوزىمىز ءۇشىن اقيقات دەپ قابىلدايمىز. “بەيتانىس ادامدارعا سەنبە”، “تۇندە ۇيدەن شىقپا”، “ادامدار سەنى الداپ كەتەدى”، ت.س.س. سوزدەر سىزگە زيان. ودان دا ءبىزدى جاس كەزىمىزدەن: “بارلىق جەردە – ماحاببات”، “ادامدار قانداي مەيىرىمدى”، “ماعان اقشانىڭ كەلۋى وپ-وڭاي” دەگەن سەنىم بولعان بولسا، ول ءبىزدىڭ ءومىرىمىزدى نۇرلاندىرار ەدى. ءبىز ءوز سەنىمىمىزدىڭ اقيقات ەكەندىگىنە وتە سيرەك كۇدىكتەنەمىز. مىسالى، مەن وزىمنەن: “ماعان وقۋ قيىن ەكەنىنە نەگە سەنەمىن؟ بۇل شىن مانىندە سولاي ما؟ بۇل وسى ءقازىر ماعان قاتىستى دۇرىس پا؟ مەندە بۇل سەنىم قايدان پايدا بولدى؟ بۇل سوزگە مەن وزات ۇستاز سولاي دەگەن سوڭ سەنىپ ءجۇرمىن بە؟ وسىعان سەنۋدى توقتاتقان دۇرىس ەمەس پە ەدى؟، - دەپ سۇراي الار ەدىم.

ناق وسى ساتتە ءسىزدىڭ باسىڭىزعا كەلە قالعان ويدى توقتاتىڭىزشى. ءسىز نە تۋرالى ويلادىڭىز؟ ەگەر بارلىعى وي ويلاۋعا بايلانىستى بولسا، ءسىز بۇل ويدىڭ ورىندالۋىن قالار ما ەدىڭىز؟ ال ەگەر وندا قوبالجۋ مەن اشۋ، اۋىرسىنۋ مەن ءوش الۋ بولسا، وندا ول وي سىزگە قاي كۇيىندە قايتا ورالار ەدى، قالاي ويلايسىز؟ ەگەر ءبىز شات ءومىر كەشكىمىز كەلسە، وندا ءبىزدىڭ ويلارىمىز دا جارقىن بولۋى كەرەك. بىزدەن وي جانە ءسوز تۇرىندە نە شىقسا، ول سول كۇيىندە بىزگە قايتىپ ورالادى.

ءوز سوزىڭىزگە قۇلاق سالىپ كورىڭىز. ەگەر ءبىر وي سىزگە ءۇشىنشى رەت قايتا ورالسا، ونى جازىپ قويىڭىز. بۇلاي بولۋى، ءسىزدىڭ ويىڭىز ءسىز ءۇشىن ۇلگى بولىپ قالعانىن كورسەتەدى. اپتا سوڭىندا جازىپ قويعان ويلارىڭىزدىڭ تىزبەگىن قاراپ شىقساڭىز، سوزدەرىڭىز ءسىزدىڭ ومىرىڭىزدەگى وقيعالارعا قاي دارەجەدە سايكەس كەلەتىنىن كورەسىز. ءوز ويلارىڭىز بەن سوزدەرىڭىزدى وزگەرتۋگە دايىن بولىڭىزشى، سوندا ءسىزدىڭ ءومىرىڭىز قانشالىقتى وزگەرەتىنىن باقىلاي الاسىز. سوزدەر مەن ويلاردى تاڭداۋدى باقىلاۋ ارقىلى ءوز ءومىرىڭىزدى باقىلاۋ مۇمكىن. ويتكەنى، ءسىزدىڭ اقىلىڭىزدى سىزدەن باسقا ەشكىم پايدالانا المايدى.

پسيحولوگيالىق الماسۋ: ءومىر وبرازىن قالىپتاستىراتىن وي وبرازى

ءبىزدىڭ ومىرىمىزدەگى بارلىق جاقسى نارسەلەر دە، بارلىق جامان نارسەلەر دە – بۇل ءبىزدىڭ ويلانۋ وبرازىمىزدىڭ سالدارى، ول ءبىزدىڭ ومىرىمىزدە نە بولىپ جاتسا، سوعان اسەر ەتەدى. ومىرىمىزدەگى بارلىق جاقسى جانە وزىق نارسەلەر بىزدە كوپتەگەن ستەرەوتيپ ويلار كوپ بولعاندىقتان. بۇل ءبىزدى قۋانتادى. ال تەرىس ويلاۋ ستەرەوتيپى قولايسىز، زياندى نارسەلەرگە الىپ كەلەدى جانە ول ءبىزدى ويلانتادى. ءبىزدىڭ ماقساتىمىز – ءومىردى وزگەرتۋ، بارلىق كەسەلدى جانە قولايسىز نارسەدەن ارىلۋ، ءسويتىپ دەنىمىزدىڭ قۇلان-تازا بولۋى.

ءبىز ءقايسىبىر تەرىس ويلاۋ ستەرەوتيپى ارقىلى بىزگە جان-جاقتى اسەر ەتۋ تاپ كەلەتىنىنە كوزىمىز جەتتى، سول ارقىلى سولاي اسەر ەتۋ ساقتالادى. ءبىزدىڭ تۇراقتى ستەرەوتيپىمىز – ناقتى جاعدايدى جاسايدى. بۇدان شىعاتىن قورىتىندى: ستەرەوتيپتى وزگەرتۋ ارقىلى ءبىز ناقتى جاعدايدى وزگەرتە الامىز.

“مەتافيزيكالىق سەبەپتىلىك” دەگەن تەرمينمەن العاش رەت ۇشىراسقانىمدا قانداي قۋاندىم. ول ءبىزدىڭ ناقتى جاعدايىمىزدى تۋعىزاتىن سوزدەر مەن ويلاردىڭ كۇشىن انىقتايدى. مەن ءۇشىن جاڭا وسىناۋ ءبىلىم ويلاۋ مىنەزى، دەنە مۇشەلەرى جانە ءتان ساۋلىعى ماسەلەلەرىنىڭ اراقاتىناسىن تۇسىنۋگە الىپ كەلدى. مەن ولاي بولۋىن قالاماي-اق، وزىمە وسى اۋرۋدى شاقىرعانىمدى جانە بۇل جاڭالىق مەنىڭ بۇكىل ءومىرىمدى وزگەرتكەنىن ءتۇسىندىم. بۇدان سوڭ مەنىڭ ءوزىمنىڭ ءتاني جانە رۋحاني قيىندىق كورۋىمدە ءومىردىڭ ءوزىن نەمەسە وزگە ادامداردى ايىپتاۋ جويىلدى. ەندى مەن ءوز دەنساۋلىعىم ءۇشىن بارلىق جاۋاپكەرشىلىكتى ءوزىم الا الاتىن بولدىم. ءوزىمدى ەشتەڭەدە ايىپتى دەمەي-اق، مەن بولاشاققا جانە ءتان دەنساۋلىعىن بۇزۋعا اپاراتىن ويلاردان قالاي قاشىپ قۇتىلۋ كەرەكتىگىن ويلاي باستادىم.

مىسالى، مەن جەلكە تۇسىمداعى بۇلشىق ەتتەردىڭ قاتىپ قالۋىنان قانشاما رەت قينالعانىمدى ەشۋاقىتتا تۇسىنبەپپىن. سويتسەم، مويىن ماسەلەگە قاراۋداعى جۇمساقتىقتى، ماسەلەنىڭ شەشىلۋىنە جان-جاقتى قاراۋ قاجەتتىگىن كورسەتەدى ەكەن. ال، مەن، قاشان بولسا دا جۇمساق بولا الماپپىن، داۋلى ماسەلەگە مەنىڭ وپپونەنتىمنىڭ كوزىمەن قاراۋعا قورقادى ەكەم. وزىمدە جۇمساق ويلاۋدى دامىتا ءجۇرىپ، مەن وزگەنىڭ پىكىرىنە ۇلكەن ماحابباتپەن جانە تۇسىنىستىكپەن قاراۋدى ۇيرەندىم، سوندا مەنىڭ موينىمنىڭ اۋىرعانى قويىپ كەتكەنىن بايقادىم. ءقازىر، مەن، موينىم كىشكەنە قاتايا باستاسا، مەنىڭ ويلارىم قاتۋلانىپ جانە قايتپايتىنداي بولىپ كەتپەدى مە ەكەن، تەكسەرە باستايمىن.

ويلاۋ ستەرەوتيپىنىڭ ەسكىلەرىن اۋىستىرۋ

ءبىر جەرىڭ اۋىرسا، ودان ۇزىلدى-كەسىلدى جازىلۋ ءۇشىن ءبىز ونىڭ پسيحولوگيالىق سەبەپتەرىنەن قۇتىلۋىمىز كەرەك. ءبىراق سەبەپ نەدە ەكەنىن بىلمەگەندىكتەن، نەدەن باستاۋ كەرەكتىگىن دە انىقتاۋ قيىن. ەگەر ءسىز: “وسى اۋرۋدىڭ سەبەبىن بىلسەم، شىركىن!” دەپ ايتا الساڭىز، وندا وسى كىتاپ سىزگە سەبەپتى تابۋعا جانە ءتان مەن جان ساۋلىعىن جاقسارتاتىن جاڭا ويلاۋ ستەرەوتيپىن جاساۋعا كىلت بولا الار ەدى.

ءبىزدىڭ ءاربىر كەسەلىمىزدە وزىمىزدە قاجەتتىلىك بار ەكەنىن مەن ءتۇسىندىم. ولاي بولماعاندا كەسەل دە بولماعان بولار ەدى. كەسەل بەلگىلەرى – ول تەك كەسەلدىڭ كوزگە كورىنىپ تۇرعان جاعى عانا. بىزگە تەرەڭىرەك ءۇڭىلىپ، ونىڭ پسيحولوگيالىق سەبەبىن جويۋ كەرەك. سوندىقتان دا جىگەر مەن ءتارتىپ بۇل جەردە ءالسىز-الدى كەسەلدىڭ تەك سىرتقى كورىنىستەرىمەن عانا كۇرەسەدى. ول – ءارامشوپتى جۇلعاندا تامىرىن قالدىرىپ قويعانمەن بىردەي. سوندىقتان جاڭا ويلاۋ اففيرماسيالارىمەن جۇمىستى باستار الدىندا، تەمەكى تارتۋ، باس اۋرۋى، ارتىق سالماق سەكىلدى نارسەلەردەن قۇتىلۋ نيەتىن ورنىقتىرۋ كەرەك. ەگەر ىشكى قاجەتتىلىك بولماسا، سىرتقى قالاۋ دا قۇريدى. تامىرسىز وسىمدىك سولادى.

تاندەگى كەسەلدەردىڭ كوبىسىن شاقىراتىن پسيحولوگيالىق سەبەپتەر – ۇرىنشاقتىق، اشۋ، وكپە جانە ايىپتى سەزىنۋ. ەگەر، ماسەلەن، ادام سىناۋمەن ۇزاق اينالىسسا، وندا ارتريت كەسەلى پايدا بولادى. اشۋ شاقىرا بەرۋ اعزانىڭ ىسىپ-سۋىي بەرۋىنە الىپ كەلەدى، ول - زياندى. ۇزاققا سوزىلعان وكپە ءتاندى ىشتەن جەيدى دە قاتەرلى ىسىك پايدا بولادى. ءوز ايىبىن سەزىنۋ تەرەڭدەي بەرسە كەسەلگە ۇشىراتادى. دەن ساۋ كەزدە تەرىس ويلاۋ ستەرەوتيپتەرىن باسىڭنان شىعارۋ اناعۇرلىم وڭاي، ال كەسەل كەلگەندە ادامدا قوبالجۋ ۇلعايادى دا، ونداي ويلاردى قۋۋ قيىندايدى.

مىنا تومەندەگىدەي پسيحولوگيالىق ەكۆيۆالەنتتەر ءتىزىمى مەنىڭ ەمدەلۋشىلەرمەن بولعان جۇمىس ناتيجەسىندە پايدا بولدى. ءوز ءتانىڭدى ەمدەۋگە جاردەم بەرەرلىك قاراپايىم ءتاسىل رەتىندە بۇل ءتىزىمدى مەن سىزدەرگە ماحابباتپەن ۇسىنامىن:

ءسىز مۇمكىن، مەنىڭ ماحاببات، بەيبىتشىلىك، قۋانىش پەن ءوزىن-وزى ماقۇلداۋ كونسەپسياسىن ءجيى پايدالاناتىنىمدى بايقاعان بولارسىز. ەگەر ءبىز، شىنىمەن قۇدايدىڭ قۇدىرەتىنىڭ جاردەمىنە سەنىپ، ءوزىمىزدى ءوزىمىز ماقۇلداپ، ماحابباتقا تولى جۇرەكپەن ءومىر سۇرسەك، وندا بەيبىتشىلىك پەن قۋانىش ءبىزدىڭ ءومىرىمىزدى تولتىرىپ، كەسەل مەن قيىندىق جولامايدى. ءبىزدىڭ ماقساتىمىز – اۋرۋسىز، ءوزىمىز قاتىسقان كوڭىلدى وتىرىستاردان راحاتتانىپ ءومىر ءسۇرۋ. ماحاببات اشۋدى ەرىتىپ جىبەرەدى، ماحاببات رەنىشتەردى ۇمىتۋعا ءماجبۇر ەتەدى، ماحاببات قورقىنىشتى قۋادى، ماحاببات قاۋىپسىزدىك اكەلەدى. ەگەر ءسىزدىڭ ءومىرىڭىزدىڭ نەگىزىندە وزىڭىزگە دەگەن ماحاببات جاتسا، وندا ءسىزدىڭ ءومىرىڭىز جەڭىل، ۇندەستىكتە، ساۋ-سالامات، جايناعان قۋانىشتا ءوتۋى ءتيىس.

ءتاني كەسەلدەرگە ۇشىراعاندا بۇل كىتاپتى پايدالانۋعا بولاتىن پايدالى مىسالدار مىنالار:

1. بۇل كىتاپتا كەسەلدىڭ قانداي پسيحولوگيالىق سەبەبى بەرىلگەنىن تابىڭىز. ءسىزدىڭ جاعدايىڭىزدا ول شىندىققا ساي ما، تەكسەرىڭىز. ەگەر ولاي بولماي شىقسا، وندا تىنىش وتىرىپ: «مەنىڭ قاي ويلارىم وسىعان اكەلىپ سوقتىرۋى مۇمكىن؟» دەپ سۇراڭىز.
2. ءوزىڭىز ءۇشىن (لاجى بولسا داۋىستاپ): «مەن وسى كەسەلدى تۋىنداتقان ويلاۋ ستەروتيپىنەن ارىلعىم كەلەدى» دەپ قايتالاڭىز.
3. جاڭا وي ۇلگىلەرىن بىرنەشە رەت قايتالاڭىز.
4. ءسىز اۋرۋدان جازىلۋ جاعدايىندا ەكەندىگىڭىزگە ءوزىڭىزدى سەندىرىڭىز. ءسىز ءوز كەسەلىڭىز جايلى ويلاعان سايىن جوعارىداعى ارەكەتتەردى قايتالاڭىز.

سودان سوڭ قورىتىندى مەديتاتيۆتىك تالداۋلار كەلەدى، ولاردى كۇن سايىن وقۋ پايدالى، ويتكەنى ولار ساۋ سانا قالىپتاستىرۋعا، سول ارقىلى ءتان ساۋلىعىنا جەتۋگە مۇمكىندىك بەرەدى.

ماحابباتپەن ەمدەۋ

مەنىڭ بولمىسىمنىڭ تەرەڭ ورتاسىندا ماحابباتتىڭ تاۋسىلماس قورى بار. مەن سول ماحابباتتىڭ سىرتقا شىعۋىنا مۇمكىندىك بەرەمىن. ول مەنىڭ جۇرەگىمدى، ءتانىمدى، اقىل-ويىمدى، سانامدى، مەنىڭ بار بولمىسىمدى تولتىرىپ تۇر، مەنەن جان-جاققا نۇر شاشىپ، ودان بىرنەشە ەسە ۇلعايىپ، وزىمە قايتا ورالادى. مەن ماحابباتتى قانشالىقتى مول قابىلداسام، سونشالىقتى كوپ ەتىپ قايتارۋىم كەرەك، ونىڭ قورى شەكسىز. ماحاببات ماعان جاقسى كوڭىل-كۇي سىيلايدى، ول – مەنىڭ ىشكى قۋانىشىمنىڭ كورىنىسى. مەن ءوزىمدى جاقسى كورەمىن، سوندىقتان مەن ءوزىمنىڭ تانىمە ماحابباتپەن قامقورلىق جاسايمىن. مەن قايىرىمدىلىقپەن ونى جاقسى داممەن جانە سۋسىنمەن تاماقتاندىرامىن. مەن ونى ماحابباتپەن جاساندىرىپ، كيىندىرەمىن. ءتان دە ماعان ءوزىنىڭ ساۋلىعى مەن قۋاتىن سىيلايدى. مەن ءوزىمدى جاقسى كورەمىن، سوندىقتان وزىمە بارلىق تالاپتارىما ساي كەلەتىن، سوندا تۇرۋ جاقسى كوڭىل-كۇي اكەلەتىن، قولايلى مەكەن-جاي الدىم. مەن بولمەلەردى ماحاببات دىرىلىمەن تولتىرامىن، ول ماحابباتتى كىرگەن ادامداردىڭ ءبارى، سونىڭ ىشىندە ءوزىم دە سەزىپ كوڭىلى قوش بولاتىنداي ەتەمىن.

مەن ءوزىمدى جاقسى كورەمىن، سوندىقتان وزىمە ۇنايتىن، ودان راحات الاتىن، مەنىڭ دارىنىم مەن قابىلەتىمدى اشا الاتىن جەردە جۇمىس ىستەيمىن. مەن ادامدارمەن جانە ءوزىم ۇناتاتىن، مەنى جاقسى كورەتىن ادامدار ءۇشىن جۇمىس ىستەيمىن، ايلىعىم دا جاقسى. مەن ءوزىمدى جاقسى كورەمىن، ويتكەنى مەنىڭ مىنەزىمدە جانە ويلارىمدا بارلىق ادامدارعا ماحابباتپەن قارايمىن، ويتكەنى مەنىڭ بەرگەنىم وزىمە كوپ ەسە بولىپ قايتا ورالاتىنىنا مەن سەنەمىن. مەنىڭ ىشكى الەمىمە مەن تەك ءوزىمدى جاقسى كورەتىن ادامداردى شاقىرامىن، سەبەبى ولاردان مەنىڭ ءوز بولمىسىم اينادان كورىنگەندەي كورىنەدى. مەن ءوزىمدى جاقسى كورەمىن، سوندىقتان دا مەن كەشىرە بىلەمىن، وتكەندى جانە بارلىق وتكەن تاجىريبەمدى ۇمىتامىن، ءسويتىپ بوستاندىق الامىن. مەن ءوزىمدى جاقسى كورەمىن، سوندىقتان دا تەك بۇگىنگى كۇنمەن، ونىڭ ءاربىر ساتىنەن راحات الا ءومىر سۇرەمىن جانە مەنى جارقىن دا قۋانىشتى بولاشاق كۇتىپ تۇرعانىنا سەنەمىن، ويتكەنى مەن كەڭىستىكتىڭ سۇيكىمدى بالاسىمىن، ول مەن ءۇشىن ءقازىر دە، بولاشاقتا دا قامقورلىق جاسايدى. شىن مانىندە بۇل سولاي.

مەن سىزدەردى سۇيەمىن.

ساۋ ءتان ءۇشىن اففيرماسيالار

ماعان مەنىڭ سانام ۇنايدى:

مەنىڭ سانام ماعان مەنىڭ ءتانىم - اسەم عاجايىپ ەكەنىن تۇسىنۋگە جاردەمدەسەدى. مەن ءومىر سۇرگەنىم ءۇشىن قۋانامىن. مەن سانامنىڭ كومەگىمەن ءوزىمدى ەمدەي الۋ قابىلەتىمدى تانىدىم. مەنىڭ سانام، مەنىڭ بولاشاعىم سوعان بايلانىستى بولاتىن ايدىڭ ءاربىر سەكۋندىن تاڭداپ الادى. مەن سانامدى پايدالانۋ ارقىلى ودان ەمدەلۋگە بولاتىن كۇش الامىن. مەن ءوزىمنىڭ كوڭىل- كۇيىمدى جاقسارتاتىن ويلاردى تاڭداپ الامىن. مەن ءوزىمنىڭ تاماشا سانامدى سۇيەمىن جانە باعالايمىن!

ماعان مەنىڭ باسىمنىڭ تەرىسى ۇنايدى

مەنىڭ باسىمنىڭ تەرىسى بوس جانە تىنىش. ول مەنىڭ شاشىما توسەك بولىپ تۇر. ول مەنىڭ ادەمى شاشتارىمنىڭ ءوسىپ، تولىق بولىپ تۇرۋى ءۇشىن قۋات بەرەدى. مەن ويلارىمدى، ولار مەنىڭ باسىمنىڭ تەرىسىن ادەمىلەپ سىلاپ-سىيپاپ بەرەتىندەي ەتىپ تاڭدايمىن. مەن ءوزىمنىڭ باسىمنىڭ تاماشا تەرىسىن سۇيەمىن جانە باعالايمىن!

ماعان مەنىڭ شاشتارىم ۇنايدى

مەن ومىرىمە ماعان كەرەك نارسەلەر جايلى قامقورلىق جاساۋعا مۇمكىندىك بەرەمىن، ءسويتىپ مىقتى جانە بەيبىتشىل ادام بولامىن. مەن باسىمنىڭ تەرىسىن جۇمسارتامىن، ءسويتىپ مەنىڭ تاماشا شاشتارىمنىڭ ءوسىپ، توپ-تولىق بولىپ تۇرۋىنا مۇمكىندىك جاسايمىن. مەن شاشتارىما ماحابباتپەن قارايمىن جانە ولاردىڭ ءوسۋى مەن مىقتى بولۋىنا جاردەم جاسارلىق ويلاردى تاڭدايمىن. مەن ءوزىمنىڭ تاماشا شاشتارىمدى سۇيەمىن جانە باعالايمىن!

ماعان مەنىڭ كوزدەرىم ۇنايدى

مەنىڭ كوزىم وتە جاقسى كورەدى. مەن بارلىعىن انىق جانە جارقىراتا كورە الامىن. مەن ءوزىمنىڭ وتكەنىمە، بۇگىنىمە جانە بولاشاعىما ماحابباتپەن قارايمىن. مەنىڭ سانام مەنىڭ ومىرگە كوزقاراسىمدى ايقىندايدى. مەن بارلىق نارسەگە جاڭاشا قارايمىن. مەن ءار ادامداعى جاقسىلىقتى كورە الامىن، مەن ونى قاشان، قاي جەردە بولسا دا كورە الامىن. مەن ءوز ماحابباتىممەن ءوزىم كورىپ وتىرا بەرۋگە قۇمار ءومىردى جاساي الامىن. مەن ءوزىمنىڭ تاماشا كوزدەرىمدى سۇيەمىن جانە باعالايمىن!

ماعان مەنىڭ قۇلاقتارىم ۇنايدى

مەن تىنىش، بايسالدى، ومىرسۇيگىش اداممىن. مەن ءوز توڭىرەگىمدە ۇندەستىك تۋعىزاتىن ويلاردى تاڭدايمىن. مەن بارلىق جاقسى جانە ءجايلى نارسەلەردى تىڭداعاندى جاقسى كورەمىن. ءار ادامنىڭ سوزدەرىنەن مەن ماحابباتقا شاقىرۋدىڭ جاسىرىن ءتۇرىن ەستيمىن. مەن وزگەلەردى تۇسىنۋگە تىرىسامىن جانە ولارعا جاناشىرلىقپەن قاراي الامىن. مەنى مەنىڭ ءومىردى تىڭداي ءبىلۋ قابىلەتىم قۋانتادى. مەنىڭ سانام قاشان بولسا دا قابىلداۋعا اشىق. مەن راحاتتانا تىڭدايمىن. مەن ءوزىمنىڭ تاماشا قۇلاقتارىمدى سۇيەمىن جانە باعالايمىن!

ماعان مەنىڭ مۇرنىم ۇنايدى

مەن ءوزىمدى قورشاپ تۇرعانداردىڭ بارىمەن بەيبىت ءومىر سۇرەمىن. مەنىڭ ۇستىمنەن ەشكىم، ەشقاشان بيلىك ەتە المايدى. مەن ءوز الەمىمدە كۇش پەن بيلىكتىڭ يەسىمىن. مەن ءوزىمنىڭ شىن قۇندىلىعىمدى مويىندايتىن ويلاردى عانا تاڭدايمىن. مەن ءوز سەزىمىمە سەنەمىن، ويتكەنى مەن قاشان دا كەڭىستىكتەگى اقىلمەن جانە اقيقاتپەن بايلانىستامىن. مەن قاشان دا ءوزىمنىڭ دۇرىس جولىمدى تاڭدايمىن. مەن ءوزىمنىڭ تاماشا مۇرنىمدى سۇيەمىن جانە باعالايمىن!

ماعان مەنىڭ اۋزىم ۇنايدى

مەن جاڭا يدەيالاردان قۋات الامىن. مەن قابىلداپ ءسىڭىرۋ ءۇشىن جاڭا كونسەپسيالار دايىندايمىن. مەن اقيقات زاڭدارى نەگىزىندە وڭاي شەشىمدەر قابىلدايمىن. مەندە ومىرگە دەگەن جاقسى سۇيىسپەنشىلىك بار. مەن قاي نارسە بولسىن ماحابباتپەن ايتۋعا مۇمكىندىك بەرەتىن ويلاردى تاڭدايمىن. مەن نە ويلاسام سونى باتىل جەتكىزە الامىن، سەبەبى مەن ءوز باعامدى بىلەمىن. مەن ءوزىمنىڭ تاماشا اۋزىمدى سۇيەمىن جانە باعالايمىن!

ماعان مەنىڭ تىستەرىم ۇنايدى

مەنىڭ تىستەرىم ساۋ جانە مىقتى. مەن ومىرگە قۋانىشپەن قارايمىن. مەن ءوزىمنىڭ وتكەن تاجىريبەمدى تولىق وي ەلەگىنەن وتكىزەمىن. مەن – تاباندى اداممىن. مەنىڭ شەشىم الۋىم وڭاي جانە ونى وزگەرتپەيمىن. مەن وزىمە مىقتى ىشكى نەگىز بولاتىن ويلاردى تاڭدايمىن. مەن ءوزىمنىڭ ىشكى اقىلىما سەنەمىن، ويتكەنى مەن قانداي تاڭداۋ جاساسام دا، ول ماعان سول ساتتە ەڭ ءتيىمدىسى بولىپ شىعادى. مەن ءوزىمنىڭ تاماشا تىستەرىمدى سۇيەمىن جانە باعالايمىن!

ماعان مەنىڭ ءتىسىمنىڭ ەتتەرى ۇنايدى

مەنىڭ تىستەرىمنىڭ ەتتەرى – دەنساۋلىق كەپىلى. ولار مەنىڭ تىستەرىمدى ۇستاپ تۇر جانە ونى قورعايدى. ماعان ءوز شەشىمدەرىمدى ورىنداۋ وڭاي. شەشىمدەرىمدى مەن ىشكى سەنىمدەرىممەن سالىستىرىپ الامىن. مەن تەك اقىل مەن اقيقاتتى عانا باسشىلىققا الامىن. مەن ءوز ومىرىمدە دۇرىس ارەكەتتەرگە اكەلەتىن ويلاردى تاڭداپ الامىن. مەن ءوزىمنىڭ ءتىسىمنىڭ تاماشا ەتتەرىن سۇيەمىن جانە باعالايمىن!

ماعان مەنىڭ داۋىسىم ۇنايدى

مەن ءوز پىكىرىمدى اشىق ايتا الامىن. مەن نە ويلاسام، سونى ايتامىن. مەنىڭ سوزدەرىم - ءومىر مۋزىكاسى. مەن اسەمدىك پەن العىستى بىلدىرەتىن سوزدەردى تاڭدايمىن. مەن ومىرمەن تولىق بىرلىكتە ەكەنىمدى مالىمدەيمىن. مەن ءوزىمنىڭ تاماشا داۋىسىمدى سۇيەمىن جانە باعالايمىن!

ماعان مەنىڭ موينىم ۇنايدى

مەن وزگە پىكىرلەردىڭ بولۋىن جانە ماقساتقا جەتۋدىڭ وزگە دە جولدارى بولۋىن قابىلداۋعا ءازىرمىن. مەن مۇنىڭ ءبارىن ەركىن مويىندايمىن. مەن وزگەرىستەرگە ۇمتىلامىن. مەن ءوزىمنىڭ يدەيالارداعى بيازىلىعىمدى جانە شىعارماشىلىق ەرەكشەلىگىمدى ساقتاپ قالۋعا زيانى تيمەيتىن ويلاردى تاڭدايمىن. مەن ءوز ويىمدى ەركىن جانە قۋانىشپەن جەتكىزە الامىن. مەن ءوزىمنىڭ تاماشا موينىمدى سۇيەمىن جانە باعالايمىن!

ماعان مەنىڭ قولدارىم ۇنايدى

مەن ءوزىمدى جانە ءوزىمنىڭ سۇيىكتىلەرىمدى قورعايمىن. مەن ومىردەن راحاتتانامىن. مەن ءومىردىڭ ءتۇرلى جاعدايلارىن دۇرىس قابىلداۋ قابىلەتىنە يەمىن. مەن، ماعان وزگەرىستەردى جەڭىل قابىلداۋعا جانە كەز-كەلگەن باعىتتا العا جىلجۋعا مۇمكىندىك بەرەتىن ويلاردى تاڭدايمىن. مەن – مىقتى، قابىلەتتى جانە قايراتكەر اداممىن. مەن ءوزىمنىڭ تاماشا قولدارىمدى سۇيەمىن جانە باعالايمىن!

ماعان مەنىڭ قولىمنىڭ سىرتى ۇنايدى

مەنىڭ قولىمنىڭ تەرىسى جۇمساق ءارى ادەمى. مەن راحاتتارعا ەركىن بەرىلە الامىن. مەن بارلىق العان جاقسىلىقتارىما لايىقپىن. مەن، وزىمدە بار بارلىق نارسەدەن راحات الۋعا بولاتىن ويلاردى تاڭدايمىن. مەن ءوزىمنىڭ قولىمنىڭ تاماشا سىرتىن سۇيەمىن جانە باعالايمىن!

ماعان مەنىڭ قولىمنىڭ سۇيەكتەرى ۇنايدى

مەنىڭ قولىمنىڭ سۇيەكتەرى قالاي قالاسا، سولاي ءومىر سۇرە الادى. ولار، ادامدار مەن وقيعالارعا قالاي قارىم-قاتىناس جاساۋ كەرەكتىگىن بىلەدى. مەن، ءوزىمنىڭ ءومىر سۇرۋىمە جەڭىل ءارى قۋانىشتى بولاتىن ويلاردى تاڭدايمىن. بارلىعى كيەلى قۇقىق انىقتاعان تارتىپكە سايكەس ءوتىپ جاتىر. مەن ومىرگە ماحابباتپەن قاراي الامىن، دەمەك مەن ءقاۋىپسىز جاعدايدامىن، ماعان ەشقانداي قاتەر ءتونىپ تۇرعان جوق، ءوز «مەنىمدى» ساقتاپ تۇرا الامىن. مەنىڭ جانىم جاي تاۋىپ تۇر. مەن ءوزىمنىڭ قولىمنىڭ تاماشا سۇيەكتەرىن سۇيەمىن جانە باعالايمىن!

ماعان مەنىڭ ساۋساقتارىم ۇنايدى

مەنىڭ ساۋساقتارىم ماعان كوپ قۋانىشتار اكەلەدى. ماعان، ءوزىمنىڭ ۇستاپ كورۋ جانە سەزىنۋ، سيپاپ كورۋ مەن زەرتتەۋ، تىگۋ مەن جوندەۋ، ورىنداۋ جانە سۇلۋلىقتى ماحابباتپەن جاساۋداعى ءوز قابىلەتىم ۇنايدى. مەن ساۋساعىمدى ءومىردىڭ پۋلسىندە ۇستايمىن، مەن ءوزىمدى قورشاعان بارلىق ادامدارمەن كەلىسىمدە ءومىر سۇرەمىن. مەن، جۇرتتىڭ بارىنە ماحابباتپەن جاناسا الاتىن ويلاردى تاڭدايمىن. مەن ءوزىمنىڭ تاماشا ساۋساقتارىمدى سۇيەمىن جانە باعالايمىن!

ماعان مەنىڭ تىرناقتارىم ۇنايدى

مەن ءۇشىن تىرناقتارىما قاراۋ – ۇلكەن قۋانىش. مەن – قورعاۋدامىن، مەن – ءقاۋىپسىز جاعدايدامىن. مەن تىنىشتىقتا تۇرعاندا، ءومىردىڭ اعىسىنا بەرىلگەندە، مەنىڭ تىرناقتارىم كۇشتى جانە قاتتى بولىپ وسەدى. مەن ءوزىمنىڭ تاماشا تىرناقتارىمدى سۇيەمىن جانە باعالايمىن!

ماعان مەنىڭ ومىرتقام ۇنايدى

مەنىڭ ومىرتقام – ۇندەستىك پەن ماحابباتتىڭ قوسىلىسى. ءاربىر ومىرتقا ەكى كورشى ومىرتقامەن دوستىق بايلانىستا. ولاردىڭ بارلىعىنىڭ ءوزارا قارىم-قاتىناسى بايسالدى جانە ءمىنسىز. مەنىڭ كۇشىمنىڭ عانا ەمەس، مەنىڭ يىلگىشتىگىمنىڭ دە باستاۋى – وسىندا. مەن اسپانعا دا جەتە الامىن، جەرگە دە يىلە الامىن. مەن، ماعان بوستاندىق پەن قاۋىپسىزدىك اكەلەتىن ويلاردى تاڭدايمىن. مەن ءوزىمنىڭ تاماشا ومىرتقامدى سۇيەمىن جانە باعالايمىن!

ماعان مەنىڭ ارقام ۇنايدى

مەنىڭ ارقام - ءومىردىڭ ءوزى. مەن ودان مورالدىق قولداۋ سەزىنەمىن. مەن بارلىق قورقىنىشتاردى قۋىپ جىبەرە الامىن. مەن ءوزىمدى سۇيىكتى سەزىنەمىن. مەن ءۇشىن، مەنىڭ وتكەنىم دە، بارلىق ءجۇرىپ وتكەن جولىم دا ماڭىزدى ەمەس. مەن ارتتا قالىپ قويعان نارسەنىڭ ءبارىن ۇمىتامىن. مەن بۇدان بىلاي ءومىردىڭ تابيعي دامۋىنا سەنەمىن. مەن، ماعان كەرەك نارسەنىڭ ءبارىن بەرەتىن ويلاردى تاڭدايمىن. ءومىر ماعان، ودان كۇتكەن كەزىمدە دە، ودان كۇتپەگەن كەزىمدە دە وڭىنان قارايدى. ءومىر – ەڭ كەرەك نارسە ەكەنىن مەن بىلەمىن. ومىرگە دەگەن ماحاببات مەنى باتىل جانە كەلبەتتى ەتەدى. مەن ءوزىمنىڭ تاماشا ارقامدى سۇيەمىن جانە باعالايمىن!

ماعان