وڭتۇستىك پەن باتىس قازاقستاندا قاپتاپ كەتكەن ءدىني بالاباقشالاردىڭ جۇمىسى توقتاتىلدى. بۇل تۋرالى قوعامدىق دامۋ مينيسترلىگى مالىمدەپ وتىر. جۋىردا اتىراۋ قالاسىندا جۇمىس ىستەپ كەلگەن "ايشا ءبيبى"، الماتىداعى "عالىم" راديكالدى ءدىني باعىتتاعى مەكتەپكە دەيىنگى ءبىلىم وشاقتارىنا ارنايى تەكسەرىس جۇمىستارى جۇرگىزىلىپ،  ولاردىڭ تەرىس اعىمدا ءبىلىم بەرگەنى انىقتالعان. بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ مالىمەتىنە سۇيەنە وتىرىپ حابارلايدى.  

ەلىمىزدەگى مەكتەپ وقۋشىلارىنا ورامال تاعۋعا تىيىم سالا الماي جاتقاندا، ءدىني بالاباقشالار قاپتاپ كەتتى. ماسەلەن، وتكەن جىلى مىڭعا جۋىق كۇماندى ءبىلىم وشاعى انىقتالعان. بەلگىلى بولعانداي، وندا 30 مىڭعا جۋىق بالا راديكالدى اعىمدا تالىم-تاربيە الىپ كەلگەن. ال بۇگىندە ارنايى ءىس-شارالاردىڭ ارقاسىندا جات اعىمدى ناسيحاتتاپ كەلگەن مەكتەپكە دەيىنگى مەكەمەلەردىڭ جۇمىستارى توقتاتىلىپتى.  

"بىلتىر بۇكىل بالاباقشالارعا تەكسەرۋ جۇرگىزدىك. شىنىمەن دە ولاردىڭ اراسىندا ءدىني باعىتتاعى بالاباقشالار انىقتالدى، سونىڭ ىشىندە الماتىدا جانە باسقا قالالاردا بولدى. اتاپ ايتقاندا، ولاردىڭ جۇمىستارى جەرگىلىكتى اتقارۋشى ورگانداردىڭ كۇشىمەن توقتاتىلدى. بۇل جەرلەرگە ءدىني توپ مۇشەلەرىنىڭ بالالارى عانا بارعان» - دەيدى ق ر قوعامدىق دامۋ ءمينيسترىنىڭ ورىنباسارى بەرىك ارىن.

ماسەلەن،  جۋىردا  عانا مينيسترلىك اتىراۋ مەن الماتى قالاسىندا زاڭسىز ءجۇمىس ىستەپ كەلگەن ءدىني بالاباقشالاردىڭ جۇمىسىن توقتاتۋعا ءماجبۇر بولعان. اقپاراتقا سۇيەنسەك، جەكەمەنشىك "عالىم"  جانە "ايشا ءبيبى" اتتى مەكتەپكە دەيىنگى مەكەمەلەر ءدىني باعىتتا بۇلدىرشىندەرگە تالىم-تاربيە  بەرىپ كەلگەن. 

«نەگىزگى پروبلەما جەكەمەنشىك بالاباقشانىڭ ءبىلىم بەرۋىنە قاتىستى بولدى. ياعني ءبىر توپ ازاماتتار الماتى قالاسىندا جەكەمەنشىك توپ اشقان. سول مەكتەپ باسشىلىعى وزدەرى بولەك مەكەمە سالىپ الدىق. سونىڭ ىشىندە ءوزىمىزدىڭ تالاپپەن جۇرەمىز دەگەن ماقساتپەن بالالار كەلە باستاعان. قىز بالالار. اسىرەسە باتىس وڭىرىنەن بارىپ، الماتىعا كەلىپ سول جەردە ءبىلىم الامىز دەگەن جاعدايلار بولدى» - دەيدى ق ر قوعامدىق دامۋ مينيسترلىگىنىڭ قوعامدىق كەلىسىم كوميتەتى ءتوراعاسىنىڭ مىندەتىن اتقارۋشى بالعابەك مىرزايەۆ. 

ء-بىز تەك 30 مينۋتتان بەرەمىز.

-سوندا تەك سۇرەلەر عانا ۇيرەتەسىز با؟

ء-يا.

-نامازعا شە؟

-ول تەك جوعارعى توپتارعا 5-6 جاستارعا. 

بۇل - استاناداعى 4 جاستان باستاپ بالاعا ءدىني تۇرعىدان ءتالىم بەرەتىن بالاباقشانىڭ ءبىرى. بوبەكجايدا ەرتە جاستان سابيگە سۇرە وقىتىپ، 6 جاستان ساجدەگە باسىن تيگىزۋدى ۇيرەتىن ورتالىق يەسى 3 جىل بويى بيزنەسىن دوڭگەلەتىپ كەلگەن. مۇنداي بالاباقشانى ىزدەپ تابۋ وڭاي ەمەس. تەك قانا تانىس-تامىر ارقىلى عانا تاباسىز، دەيدى مەكەمە مەڭگەرۋشىسى.

-ۇلدار بولەك، قىزدار بولەك. 
-مۇعالىمدەر نەگە حيدجابپەن ءجۇر؟
-بۇل مەدرەسەنىڭ جانىنان اشىلعان بالاباقشا.

«مەن ەسىمدە بارى اتىراۋ وبلىسى مەن الماتى قالاسى. حالال بالاباقشاسى تەك قانا وقاشاۋلاپ، ارنايى ءدىندارلاردى قابىلداپ ساباق جۇرگىزىپ، ءدىني تاربيەلەۋ بولعان. ءبىز ايتتىق زاڭاناما بويىنشا بالانى تاربيەلەيتىن تەك قانا اتا-اناسى نەمەسە زاڭمەن بەلگىلەنگەن قورعاۋشىلارى. ەشكىمدە ونى قاندايدا ءبىر دىنگە، باسقا ءبىر اعىمعا، توپقا تاربيەلەۋگە قۇقىقتارى جوق» - دەيدى  ق ر قوعامدىق دامۋ مينيسترلىگىنىڭ قوعامدىق كەلىسىم كوميتەتى ءتوراعاسىنىڭ مىندەتىن اتقارۋشى بالعابەك مىرزايەۆ. 

قالاي دەسەك تە، عالامتور بەتتەرىندە ءالى دە «مۇسىلمان»، «حالال» بالاباقشاسىنىڭ جارناماسى جەتىپ ارتىلادى. ەڭ قىزىعى، مۇنداي ءدىني بوبەكجايلارعا سۇرانىس تا بار. وسىلايشا،  مينيسترلىك راديكالدى باعىت ۇستاناتتىن توپتاردىڭ باسىم بولىگى وڭتۇستىك پەن باتىس قازاقستاندا شوعىرلانعانىن جەتكىزدى. ءقازىر بۇل وڭىردە كەڭىنەن ناسيحات جۇمىستارى جۇرگىزىلىپ، ءدىني ۇستانىمى بولعان بالاباقشالار جابىلىپ، كەيبىرى زاڭعا سايكەس جۇمىس ىستەۋگە كوشىپتى.