2018 جىلدىڭ 15 قازانىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ (بۇدان ءارى – اگەنتتىك) سىبايلاس جەمقورلىققا قارسى ارنايى مونيتورينگتىك توبىنىڭ مۇشەسى، ەلىمىزدەگى جەر قاتىناستارى سالاسىنداعى جەتەكشى ساراپشىلاردىڭ ءبىرى، جەر قاتىناستارى بويىنشا زاڭ جانە سوت ىسىندە ۇلكەن تاجىريبەسى بار كاسىبي ادۆوكات، زاڭگەر بازاربەك باقىتجان جۇمابەك ۇلى قوعامدىق ۇيىمدار مەن جەرگىلىكتى قوعامدىق كەڭەستەر وكىلدەرىمەن جانە حالىقپەن كەزدەسۋ سەمينارىن وتكىزىپ، تەگىن قۇقىقتىق كەڭەستەر بەرەدى دەپ حابارلايدى Qamshy.kz اقپارات اگەنتتىگى.
سەمينار بارىسىندا ازاماتتار تومەندەگى ماسەلەلەر بويىنشا تەگىن قۇقىقتىق كەڭەستەر الا الادى.
- جەكە تۇرعىن ءۇي قۇرىلىسى ءۇشىن جەر ۋچاسكەسىن بەرۋ؛
- جەر ۋچاسكەسىنىڭ ماقساتىن وزگەرتۋ؛
- جەرگە ورنالاستىرۋ پروسەسسى مەن جەر ۋچاسكەلەرىن سەگمەنتاسيالاۋ؛
- ماقساتسىز پايدالانعانى جانە مەملەكەتتىك قاجەتتىلىككە بايلانىستى جەر ۋچاسكەسىن الۋ؛
- ءوز بەتىنشە قۇرىلىس جۇرگىزۋ؛
- جەر ۋچاسكەسىن بەلگىلەۋ جانە شەكاراسىن ايقىنداۋ؛
- سۋ قورعاۋ ايماقتارى مەن بەلدەۋلەر، قىزىل شەكارالار مەن سانيتارلىق-قورعاۋ ايماعى؛
- جەر ۋچاسكەسىن زاڭسىز يەمدەنۋگە بايلانىستى جانە وزگە دە ماسەلەلەر بويىنشا قۇقىقتىق كەڭەس بەرەدى.
سەمينار وتەتىن كۇنى مەن مەكەن جايى: 2018 جىلعى 15 قازان، ساعات 14.00-18.00 ارالىعىندا ءا.تاجىبايەۆ اتىنداعى وبلىستىق عىلىمي-امبەباپ كىتاپحاناسى، قىزىلوردا قالاسى، اباي داڭعىلى №53.
سەمينار «فەيسبۋك» الەۋمەتتىك جەلىسىندە اگەنتتىكتىڭ قىزىلوردا وبلىسى بويىنشا دەپارتامەنتىنىڭ پاراقشاسىندا تىكەلەي ەفير ارقىلى سۇيەمەلدەنەدى.
انىقتاما ءۇشىن بايلانىس قۇرالدارى 8(7242)70-25-20
