3 قازاننان باستاپ استانا قالاسىندا «نۇرلى جەر» تۇرعىن ءۇي مەملەكەتتىك باعدارلاماسى اياسىندا كوممۋنالدىق تۇرعىن ءۇي قورىنداعى تۇرعىن ۇيگە مۇقتاج جانداردىڭ تىزىمىندە بارلار اراسىندا قۇجات قابىلداۋ باستالدى.   

«يو «كيك» تۇرعىن ءۇي» اق باعىتىنا سايكەس، 80 پاتەردى ساتىپ الۋ ارقىلى جالعا بەرۋدى جۇزەگە اسىرۋ جوسپارلانىپ وتىر. ساتىپ الۋ ارقىلى جالعا بەرىلەتىن پاتەرلەردىڭ مەرزىمى 20 جىلعا دەيىن. لەپسى كوشەسىندە كوپ قاباتتى ۇيلەردىڭ پاتەرلەرىندە 1 شارشى مەتر ءۇشىن 838 مىڭ تەڭگە كولەمىندە بولماق. ولاردىڭ 25 پاتەرى 39،34 شارشى مەتردەن 41،51 شارشى مەترگە دەيىن بولاتىن 1 بولمەلى پاتەر، 41ء-ى 54،71-دەن 67،37 شارشى مەترگە دەيىنگى پاتەرلەر ەكى بولمەلى، 14ء-ى 76،88-دەن 77،69 شارشى مەترگە دەيىن ءۇش بولمەلى پاتەرلەر.

«تۇرعىن ءۇي قۇرىلىس جيناق بانكى» اق باعىتىنىڭ تالاپتارىنا سايكەس، باعدارلاماعا استانا قالاسىنداعى كوممۋنالدىق تۇرعىن ءۇي قورىنان تۇرعىن ۇيگە مۇقتاج دەپ تىركەلگەن ازاماتتار قاتىسا الادى. ولارعا قويىلاتىن تالاپتار مىناداي: كوپ بالالى وتباسى، تولىق ەمەس وتباسى، مۇگەدەك بالالاردى، جەتىم بالالاردى، اتا-انانىڭ قامقورلىعىنسىز قالعان بالالاردى تاربيەلەپ وتىرعان وتباسىلار، ورالماندار، مەملەكەتتىك قىزمەتكەرلەر، اسكەري قىزمەتكەرلەر، ارنايى مەملەكەتتىك ورگانداردىڭ قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى، 1 جانە 2-دارەجەدەگى مۇگەدەكتەر.

بۇل تىزىمدەگى ازاماتتارعا پاتەر ۇلەستىرۋ پروسەسى ءبىر پروپورسيادا جۇزەگە اساتىن بولادى. اتالمىش باعىتقا سايكەس، قۇجاتتار قابىلداۋ 3 قازاننان 5 قازانعا دەيىنگى ارالىقتا وتپەك.

«تۇرعىن ءۇي» اق باعىتىنا سايكەس استانا اكىمدىگى مەن «قازاقستاننىڭ تۇرعىن ءۇي قۇرىلىس جيناق بانكى» اراسىندا كەلىسىم جاسالىپ، وعان سايكەس 1 شارشى مەترى 120 مىڭ تەڭگە بولاتىنداي 21 پاتەر سالۋ جوسپارعا ەنگەن. پاتەرلەر استاناداعى № 23-31، 23-17، 23-30، A98 كوشەلەرىنىڭ قيىلىسىنداعى اۋداندا سالىنباق. ولاردىڭ 3-ەۋى ءبىر بولمەلى پاتەرلەر، 39،4 شارشى مەتردەن 42،48 شارشى مەترگە دەيىن؛ 15ء-ى 57،59 شارشى مەتردەن 58،43 شارشى مەترگە دەيىن ەكى بولمەلى پاتەر؛ 76،97 شارشى مەتردەن 78،06-عا دەيىن 3 ءۇش بولمەلى پاتەر بار.

پاتەر تۇرعىن ءۇي قارىزدارى، تۇرعىن ءۇي قۇرىلىس جيناعى مەن ازاماتتىڭ ءوزىنىڭ قاراجاتى ارقىلى بەرىلەدى. تولەمدى تولەۋ تۋرالى راستاۋ بولماعان جاعدايدا 8 جىلعا دەيىنگى مەرزىمگە ساتىپ الۋ قۇقىعىمەن جالعا بەرىلەدى.

«تۇرعىن ءۇي»جسبك» اق باعىتىنىڭ تالاپتارىنا سايكەس، باعدارلاماعا استانا قالاسىنداعى كوممۋنالدىق تۇرعىن ءۇي قورىنان تۇرعىن ۇيگە مۇقتاج دەپ تىركەلگەن ازاماتتار قاتىسا الادى. ولار كىمدەر: جەتىم-بالالار، اتا-انانىڭ قامقورلىعىنسىز قالعان بالالالار، مۇگەدەكتەر، ەكىنشى دۇنيەجۇزىلىك سوعىس ارداگەرلەرى، زەينەتكەرلەر (جاسىنا قاراي)، ورالماندار، تولىق ەمەس وتباسىلار، مەملەكەتتىك قىزمەتكەرلەر، اسكەري قىزمەتكەرلەر، ارنايى مەملەكەتتىك ۇيىمداردىڭ قىزمەتكەرلەرى مەن بيۋدجەتتىك ۇيىمداردىڭ قىزمەتكەرلەرى.

اتالمىش باعىتقا سايكەس قۇجاتتاردى قابىلداۋ 10 قازاننان 12 قازانعا دەيىنگى ارالىقتا جۇزەگە اسىرىلادى.

قۇجاتتاردى ءوتىنىش بەرۋشىنىڭ ەلەكتروندى سيفرلىق قولى ارقىلى قابىلدانادى. ول e.astana.kz ۆەب-پورتالى ارقىلى جۇزەگە اسىرىلادى.

ايتا كەتەيىك، «نۇرلى جەر» باعدارلاماسىنا قاتىسامىن دەگەن ازاماتتار حالىققا قىزمەت كورسەتۋ ورتالىعىنا ءوتىنىش بەرۋى قاجەت. ودان كەيىن اكىمدىكتىڭ كەزەگىنە تۇرادى.

«نۇرلى جەر» مەملەكەتتىك تۇرعىن ءۇي باعدارلاماسى نەگىزگى 5 مىندەتتى ىسكە اسىرۋ ارقىلى حالىقتىڭ تۇرعىن ءۇي ماسەلەسىن كەشەندى شەشۋگە باعىتتالعان:

حالىقتىڭ الەۋمەتتىك جاعىنان وسال توپتارى ءۇشىن جالعا بەرىلەتىن تۇرعىن ءۇي قورىن قۇرۋ.

جەكە تۇرعىن ءۇي قۇرىلىسىن دامىتۋ.

تۇرعىن ءۇي قۇرىلىس جيناقتارى جۇيەسى ارقىلى وتكىزىلەتىن كرەديتتىك تۇرعىن ءۇي سالۋ.

جەكە قۇرىلىس سالۋشىلاردى تۇرعىن ءۇي سالۋعا ىنتالاندىرۋ.

يپوتەكالىق كرەديت بەرۋدىڭ قولجەتىمدىگىن ارتتىرۋ.