ءماجىلىس دەپۋتاتى تۇرعىن سىزدىقوۆ پارلامەنت پالاتاسىنىڭ پلەنارلىق وتىرىسىندا وتاندىق قۇس ءوسىرۋ سالاسىنىڭ اسا قيىن حالدە ەكەندىگىن ايتىپ، پرەمەر-مينيستر باقىتجان ساعىنتايەۆتان كومەك سۇرادى.

دەپۋتاتتىڭ ايتۋىنا قاراعاندا اتتاي شاۋىپ، قاتتى دامىپ كەلە جاتقان سالانىڭ ايانىشتى حالگە جەتۋىنىڭ ەڭ باستى سەبەبى – مەملەكەت تاراپىنان قولداۋ ءبىلدىرىلىپ، سۋبسيديا بەرىلىپ كەلگەن بيلىكتىڭ تەتىگى اۋىلشارۋاشىلىعى مينيسترلىگىنەن جەرگىلىكتى اتقارۋشى ورگاندارعا اۋىستىرىلعاندىعى ەكەن. «ولار ماقساتتى قاراجاتتى وزدەرىنىڭ جەتپەي جاتقان جىرتىقتارىن جاماۋعا قولدانادى»-، دەيدى دەپۋتات.   

ت.سىزدىقوۆتىڭ ايتۋىنا قاراعاندا قۇس ءوسىرۋ سالاسىنىڭ الماتى، اقمولا، شىعىس-قازاقستان، قاراعاندى، اتىراۋ وبلىستارىنداعى كاسىپورىندارىنىڭ كوبى وسىنداي قيىندىقتارعا تاپ بولعان. سونىڭ ىشىندە «بارلىق قۇس ەتىنىڭ 44 پايىزىن وندىرەتىن الماتىلىقتاردىڭ وسىنداي كەرگە تاپ بولعانى وكىنىشتى»،- دەيدى دەپۋتات. ال اتىراۋ وبلىسىنداعى «المالى قۇس» فابريكاسىن جەرگىلىكتى اتقارۋشى بيلىك پرەمەر-مينيستردىڭ ورىنباسارى، اۋىلشارۋاشىلىعى ءمينيسترىنىڭ ماۋسىم ايىندا بەرىلگەن بۇيرىعىنا دا قۇلاق اسپاي، 303 ملن. تەڭگە ينۆەستيسيالىق سۋبسيديادان قاعىپ وتىر ەكەن.  «وسكەمەن قۇس فابريكاسىنىڭ» 2018 جىلعا سۋبسيدياعا بەرىلگەن سۇرانىمىنىڭ تەك 2،2 پايىزى عانا قاناعاتتاندىرىلعان. قالعان 1،8 ملرد. تەڭگەگە كاسىپورىن ءالى كۇنگە قول جەتكىزە الماي وتىرعان كورىنەدى. «سونىمەن قاتار كەيبىر قۇس فابريكالارى قالاعان سۋبسيديالارىن تولىقتاي الىپ وتىر، وسىنىڭ ءوزى بىرەۋلەردىڭ باسەكەلەسىن قۇيتىرقىلىقپەن جەڭۋ امالدارىنا ۇقسايدى. سوندىقتان ۇكىمەت تاراپىنان شۇعىل شارا جاساۋ كەرەك»، -دەيدى ول.    

س.ەلەۋ، ساراپشى