قارالى تىزىمدەگى جۋرناليستەردىڭ دەنى بەس مەملەكەتتە قازا تاپقان - اۋعانستان (15 ادام)، سيريا (11)، مەكسيكا (9)، يەمەن (8) جانە ءۇندىستان (6). ادام قۇقىقتارىن قورعاۋشىلار بۇل ەلدەردىڭ ىشىندەگى مەكسيكادا اسكەري قاقتىعىس بولىپ جاتپاسا دا، وسىنشاما كوپ جۋرناليست ولگەنىن اتاپ ءوتتى. بيىل جانجال ايماقتارىندا 44 جۋرناليست قازا تاپقان.

قازىرگى تاڭدا الەمدە 348 جۋرناليست قاماۋدا وتىر. جۋرناليستەردى قورعاۋ حالىقارالىق كوميتەتىنىڭ مالىمەتى بويىنشا، ءۇشىنشى جىل قاتارىنان الەمدە 250-دەن استام جۋرناليست كاسىبي قىزمەتىنە بايلانىستى مەملەكەتتىك تۇرمەلەردە وتىر.

امەريكالىق Time جۋرنالى بيىل "جىل ادامى" رەتىندە جۋرناليستەر توبىن اتادى. ولاردىڭ ىشىندە ستامبۋلدا ولتىرىلگەن ساۋد ءجۋرناليسى جامال حاشوگگي، ميانمادا ۇستالعان Reuters جۋرناليستەرى، The سapital Gazette گازەتىنىڭ شابۋىلعا ۇشىراعان ۇجىمى، قىلمىستىق قۋدالاۋعا ۇشىراعان فيلليپين ماريا رەسسا، "ەحو موسكۆى" راديوسىنىڭ شابۋىلدى باسىنان وتكەرگەن قىزمەتكەرى تاتيانا فەلگەنگاۋەر جانە باسقا دا جۋرناليستەر بار.