"Kundelik.kz" – بۇل بيزنەس. ءبىلىم سالاسىنان حابارى بار مۇرات ابەنوۆ وسىلاي دەپ كەسىپ ايتتى. قوعام بەلسەندىسى مەكتەپتەگى جاڭا جوبانىڭ ءتيىمسىز تۇستارىن ءتىزىپ بەردى. اسىرەسە، اتا-انالار تاراپىنان جاعىمسىز پىكىر كوپ ەكەن. ال مينيستر ساعادييەۆ ادەتتەگىدەي ەلەكتروندى كۇندەلىككە شاڭ جۋىتپايدى. بۇل تۋرالى ەۋرازيا ءبىرىنشى ارناسى حابارلايدى.
ەرلان ساعادييەۆ مينيستر بولىپ كەلگەلى جىر بولعان Kundelik.kz سايتى بيىلعى وقۋ جىلىندا ىسكە قوسىلعان ەدى. ءبىر قىزىعى، بۇل جوبانى ەنگىزبەس بۇرىن ونىڭ بالامالارى ۇسىنىلعان جوق. تەك وسىنى ناسيحاتتاۋمەن بولدى مينيسترلىك.
“ءالى تيىمدىلىگىنە كوز جەتپەسە دە، سونى ۇسىنادى. اتا-انا دا مەن كۇندەلىكتى پايدالانبايمىن، باسقانى پايدالانۋعا مۇمكىندىك جوق. رەسەيدە وسىنداي پروگرامما بار. «دنيەۆنيك رۋ» دەگەن. ۇستازدارعا ونى پايدالانعانى ءۇشىن قوسىمشا ايلىق تولەيدى”،-دەيدى قوعام قايراتكەرى مۇرات ابەنوۆ.
IT سالاسىنىڭ مامانى ءارى وقۋشى تاربيەلەپ وتىرعان رىمبەك ءىزعاليدىڭ ايتۋىنشا، مۇنداي جوبانى جاساۋ اسا قيىن ەمەس، قىمباتقا دا شىقپايدى. وتاندىق مامانداردىڭ قولىنان كەلەدى. ال قازىرگى ەلەكتروندى كۇندەلىك جوباسىنىڭ رەيتينگى دە تومەن دەيدى. ساياسي استارىن ايتا الماسا دا، تەحنيكالىق تۇرعىدا تالداۋ جاساپ بەردى.
“ەڭ قاراپايىم نارسە، ءسىزدىڭ بىرنەشە بالاڭىز بولۋى مۇمكىن. كەيدە ەكى بالاسى ەكى مەكتەپتە وقيتىن جاعداي بولادى. سونداي جاعدايدا ءار بالاعا بولەك اككاۋنت اشۋىڭىز كەرەك. جانە ەكەۋىنە اقشانى بولەك تولەيسىز. ول ول ما، سايتقا بولەك تولەيسىز، قوسىمشاعا بولەك تولەيسىز” – دەيدى ءىت مامانى رىمبەك ءىزعالي.
ونسىزدا قوعامدا بەدەلدەن جۇرداي بولعان مۇعالىمدەرگە قوسىمشا تەگىن جۇكتەمە تاۋىپ بەرگەن ءبىلىم مينيسترلىگىنىڭ باسشىلىعى kundelik.kzء-تى قىزعىشتاي قورعاپ الەك. «اتا-اناعا كۇن سايىن ەلەكتروندى كۇندەلىككە كىرۋ مىندەتتى ەمەس»،- دەيدى ساعادييەۆ مىرزا.
“كۇن سايىن كۇندەلىككە كىرۋ كەرەك ەمەس. اتا-انالار وزدەرى شەشەدى. بالالاردىڭ باعالارىن كورۋ، ءۇي جۇمىسىن، سوسىن مۇعالىمدەرمەن اقىلداسۋ دەگەن جاعدايدا سوندا عانا كۇندەلىككە كىرۋگە بولادى” – دەيدى ق ر ءبىلىم جانە عىلىم ءمينيسترى ەرلان ساعادييەۆ.
ءبىلىم سالاسىنان حابارى بار، ءبىر كەزدەرى ۆيسە-مينيستر، دەپۋتات بولعان مۇرات ابەنوۆ Kundelik.kz جوباسىنا قاتىستى ءبىر شىندىقتىڭ شەتىن ايتىپ قالدى.
“قايدا پايدا بار سوندا؟ ءتۇبىن قاراساق، بۇل بيزنەس جۇيە. نەعۇرلىم سول جۇيەگە ادام كىرسە، سونشالىقتى جارناما بەرۋشىلەر كوبىرەك پايدا تابادى. ەگەر ول بيزنەس بولسا، بيزنەس بولىپ جۇمىس ىستەسىن. ونىڭ نەسىن ءبىر بىرىمىزدەن جاسىرامىز” – دەيدى ساراپشى، قوعام قايراتكەرى مۇرات ابەنوۆ.
قاي سالاعا دا زامان كوشىنە ىلەسەتىن جاڭالىق كەرەك. ءبىراق ءبىلىم سالاسى رەفورماعا كەندە ەمەس ەدى. ەندى مىنە، تاعى بىرەۋى قوسىلدى. تاعى دا جۇيەسىزدىك باستالدى. قالا مەكتەپتەرى ۋلاپ، شۋلاپ ەلەكتروندى كۇندەلىكتى مەڭگەرىپ جاتىر. ال ينتەرنەتكە ءزارۋ اۋىل-ايماقتاعى احۋال ايتپاسا دا تۇسىنىكتى.
