عالىمدار وتىرىك ايتۋدىڭ دەنساۋلىققا زيان ەكەنىن انىقتادى دەپ جازادى Qamshy.kz اقپارات اگەنتتىگى islam.kz سايتىنىڭ دەرەگىن نەگىزگە الىپ. شەتەلدىك عالىمدار ادامدارعا "دەنساۋلىعىڭىزدى تۇزەگىڭىز كەلسە، وتىرىك ايتۋدى دوعارىڭىز" دەپ كەڭەس بەرەدى. ولاردىڭ ايتۋىنشا، وتىرىككە ءۇيىر ادامدار اشۋلانشاق كەلەدى، باسى ءجيى اۋىرىپ، قان قىسىمى كوتەرىلىپ، جۇرەك اۋرۋىنا شالدىعادى.
ال شاريعات تۇرعىسىنان قارايتىن بولساق، وتىرىك ايتۋ - ەكىجۇزدىلىكتىڭ بەلگىسى. يسلامدا ەكىجۇزدىلىك تە، وتىرىك تە كۇنا بولىپ سانالادى.
ال جالعان سويلەپ تۇرعان ادامدى قالاي انىقتاۋعا بولادى؟ ادام بالاسى وسىعان دەيىن وتىرىكتى انىقتاۋدىڭ ءتۇرلى جولدارىن ءۇسىنىپ، كوپتەگەن تەحنيكانى ويلاپ تاپتى. ال ءماتىننىڭ لينگۆيستيكالىق اناليز تەحنولوگياسى ادامنىڭ وتىرىك ايتىپ تۇرعانىن انىقتاۋدىڭ 4 ءتاسىلىن ۇسىندى.
- وتىرىك ايتۋشىلار كوبىنەسە "ول، ولار" دەگەن II، III - جاقتاعى سوزدەردى قولدانادى. وسىلايشا ءوزىن ايتقان وتىرىگىنەن الىس ۇستاۋعا تىرىسادى.
- ول كوبىنە جاعىمسىز سيپاتتا بولىپ كەلەدى. سەبەبى ساناسىنىڭ تۇبىندە ول ءوزىن كىنالى سەزىنەدى. مىسالى: "مەنىڭ مىنا جامان تەلەفونىمنىڭ قۋاتى ءسونىپ قالىپتى. تەلەفونىمدى جەك كورەمىن"، – دەيدى.
- ولار جاعدايدى تولىق ءتۇسىندىرۋ ءۇشىن اڭگىمە باسىندا قاراپايىم سوزدەردى قولدانادى. وتىرىكتى تولىق قۇراستىرۋدى ماقسات تۇتادى.
- سونداي-اق وتىرىگىن بىلدىرمەۋ ءۇشىن ۇزاق، شۇبالاڭقى، تۇسىنىكسىز سوزدەردى ايتادى. سويلەم اراسىنا كەرەكسىز سوزدەردى ءجيى قوسادى.
دەسە دە، بىرەۋدىڭ سىزگە وتىرىك ايتىپ تۇرعانىن بايقاساڭىز، وعان كۇدىكپەن، جەك كورۋشىلىكپەن قاراماڭىز. كەرىسىنشە، وتىرىك سويلەۋ دۇرىس ەمەس ەكەنىن ايتىپ، تۇسىندىرۋگە تىرىسىڭىز. "ءبىر رەت وتىرىك ايتتى ەكەن" دەپ، ادامداردىڭ بارىنە كۇمانمەن قاراۋعا دا بولمايدى. سەبەبى شاريعاتتا ءبىر ءىستىڭ انىق-قانىعىن بىلمەي جاتىپ، كۇمانمەن قاراۋعا تىيىم سالىنعان.
