بۇكىل قازاق ىستامبۇلعا قاراپ تىلەۋىڭىزدى تىلەپ ەدى. ءاپپاق اق پەرىشتەنىڭ تەز ارادا ساۋىعىپ، ويناپ كەتۋىن تىلەپ ەدىك. وكىنىشتى! امال جوق. ەگىلەمىز.

بار قازاقتىڭ مۇڭىن جوقتاعان ازامات ابزالعا حالقىنىڭ ريزاشىلىعى شەكسىز ەدى. ۇلت ءۇشىن ۇتىمدى تىرلىك ىستەگەن تۇلعاعا العىستان باسقا ايتارىمىز جوق ەدى.

قان جىلاعان تالاي قانداستارىمىزعا قاناتىڭمەن سۋ سەپتىڭ. قول ءۇشىن بەردىڭ. كومەكتەستىڭ. اراشا بولدىڭ.

ءتىل ءۇشىن تىرلىك كەشتىڭ، تىرەستىڭ. كۇرەستىڭ، قازاقتىڭ ءتىلىن پۇشايمان حالگە تۇسىرگەن جوقسىڭ. ءبىز سوعان قۋاندىق، قورعاۋشىمىز بولدىڭ. سەنى ارقا تۇتتىق. ارقالاندىق. ۇلتتىڭ ءتىلىن پارىقسىزداردان پاراساتتى تۇردە قورعادىڭ.

پەرىشتە جۇرەگى توقتادى. وكىنىش ءبىزدىڭ دە وزەگىمىزدى ورتەپ بارادى. اللانىڭ ىسىنە امال بار ما؟ قازاعىڭ سۇيگەن ەسىل ەرسىڭ عوي. بەكەم بولىڭىز.

...پەرىشتەنىڭ جانى پەيىشتە بولسىن!

Qamshy.kz اقپارات اگەنتتىگى ابزال قۇسپان مەن ونىڭ وتباسىنا، اعايىن- تۋىستارىنا  قاتتى قايعىرىپ كوڭىل ايتادى.