شاي دەسە، قازاق دەيمىز، قازاق دەسە، شاي دەيمىز. ۇلكەن ساماۋرىنعا شاي قويىپ، ونى راحاتتانىپ ساعاتتاپ ءىشىپ، وتباسىلىق ادەمى اڭگىمەنىڭ تەرەڭىنە باتۋ – ءبىزدىڭ ۇلتقا عانا ءتان قاسيەت. «ءاي، وسى كىسى شايقور!» دەگەن ءسوز دە ەتىمىزگە سىڭگەن. جالپى، شاي مەن قازاق – ەگىز ۇعىم. ءتىپتى «شاي ءىشىپ كەتسەڭ قايتەدى، مەن ۇسىنعان كەسەدەن» دەپ قازاق قويۋ شايدى انگە دە قوسقان. اسىرەسە، شايدى ساعاتتاپ ءىشۋ اتالارىمىز بەن اپالارىمىزعا ءتان. اسا قاتتى اۋەسى جوق جاستار جاعى ۇلكەندەردىڭ شايقورلىعىن تۇسىنە بەرمەيدى. مۇنى قازاقتىڭ كەلىندەرىنەن دە ءجيى بايقاۋعا بولادى. ءبىراق الەمدىك عالىمدار شايعا قاتىستى تىڭ دەرەكتەر كەلتىرىپتى. مۇنى بىلسەڭىز، اتا-اپالارىمىزعا اشۋلانباي، كەرىسىنشە ءوزىڭىز دە شايعا اۋەس بولۋعا اسىعار ەدىڭىز.

امەريكالىق مەديسينا قىزمەتكەرلەرى بىرنەشە لابوراتوريالىق تەست جاساپ، شايدىڭ دەنساۋلىققا پايداسى بار ەكەنىن انىقتاپتى. شاي قاتەرلى ىسىك كلەتكالارىنىڭ ءوسۋىن توقتاتادى. اسىرەسە، ۋلۋن مەن كوك شايدىڭ بۇل پروسەستە كۇشى باسىم كورىنەدى.

مۇنداي جاڭالىقتى سەنت-لۋيس ۋنيۆەرسيتەتىنىڭ عالىمدارى دا راستادى. ولار كەلتىرگەن دەرەككە سايكەس، ۋلۋن شايىن پايدالانۋ ىسىنۋدەن ءارى ىسىك كلەتكالارىنىڭ وسۋىنەن ساقتايدى. عالىمدار ۋلۋن شايىن ءسۇت بەزى قاتەرلى ىسىگىنىڭ ۇلگىلەرىن نەگىزگە الىپ، تەست جاساپ كورگەن. Anticancer Research جۋرنالىنىڭ مالىمەتىنشە، امەريكالىق ونكولوگتار دا شايدىڭ مۇنداي پروسەسىن كورگەندە تاڭدانىسىن جاسىرماعان. ۋلۋن شايىنىڭ اسەرى اعزانىڭ ءتۇرلى حيميالىق زاتتاردان ۋلانۋىنان ساقتايدى ءارى ىشكى ورگانداردىڭ قالىپتى جاعدايدا جۇمىس ىستەۋىن، اگرەسسيۆتىلىكتى تۋدىرماۋىن قامتاماسىز ەتەدى.

♦كوبىرەك كوفە ءىشىڭىز، دەنساۋلىققا پايداسى زور!

زەرتتەۋ مالىمەتتەرىنە سايكەس، ۋلۋن شايىن ءجيى پايدالاناتىن جۇڭگو وڭىرىندە قاتەرلى ىسىكپەن اۋراتىنداردىڭ سانى وزگە ەلدەرگە قاراعاندا 35-40 پايىزعا تومەن ەكەنىن كورسەتتى.

ۇسىنعان: گۇلىم جاقان