تانىمال ءانشى گاۋھار الىمبەكوۆا حالىقتان كەشىرىم سۇرادى دەپ حابارلايدى Qamshy.kz اقپارات اگەنتتىگى.
"مەن سىزدەردەن ءبىرىنشى كەشىرىم سۇرايمىن. سەبەبى كەشە كەلە سالا العىس ءبىلدىرىپ، سالەم جولداۋىم كەرەك ەدى. ەندى سۋىق جەردەن كەلگەن سوڭ ىشتەگى سۋىق سىرتقا شىعىپ مازام بولماي، اۋىرىڭقىراپ جاتىپ قالدىم. جىلى جەرگە ورالعان سوڭ ەسىمدى ەندى عانا جيناپ وتىرمىن. ەشتەن كەش جاقسى دەيدى عوي قازاق. قۇرمەتتى دە قىمباتتى ءلايلا سۇلتان قىزى، ب ا ق وكىلدەرى، قىمباتتى ونەردەگى ماقپال اپكەم مەن مايرا اپكەم باستاعان ونەردەگى ارىپتەستەرىم، سونداي-اق سۇيىكتى قازاق حالقىما، مەن ءۇشىن الاڭداعان ءاربىر ادامعا رياسىز كوڭىلمەن العىسىمدى بىلدىرەمىن! اۋەلى اللا جانە ونەردەگى جاناشىر جانداردىڭ قولداۋىمەن جاعدايىم ءسال دە بولسىن جاقساردى. ءبىرىنشى اللا سودان سوڭ سىزدەردىڭ قولداۋلارىڭىزدىڭ ارقاسىندا تار قاپاستان تۋعان تۋىستىڭ ورتاسىنا ورالدىم. ال نەگىزگى شەشىم اپپەلياسيالىق سوت كەزىندە بەلگىلى بولادى. سىزدەردەي جاناشىر حالقىم باردا ءبارى وڭالار دەپ ۇمىتتەنەمىن. مەن سىزدەردى جاقسى كورەمىن"، دەدى گاۋھار الىمبەكوۆا.
♦گاۋحار الىمبەكوۆا: باقىت تاتە مەنى تەمىر تورعا توعىتتىم دەپ باقىتتى بوپ جۇرگەن شىعار...
ەسكە سالايىق، ەلىمىزگە تانىمال اندەردىڭ اۆتورى، ءانشى گاۋھار الىمبەكوۆا 30 قاڭتاردا الاياقتىق ءۇشىن 6 جىلعا باس بوستاندىعىنان ايىرىلعان بولاتىن. كەيىنىرەك ءانشىنىڭ ادۆوكاتى جۇماعالي زينەلوۆ ءىستىڭ ءمان-جايىن ايتىپ بەرگەن ەدى. ادۆوكات سوت ۇكىمىمەن كەلىسپەيتىنىن جانە تاياۋ ارادا اپەللياسيالىق سوتقا ارىز تۇسىرەتىنىن مالىمدەدى.
4 قاڭتاردا 6 جىلعا باس بوستاندىعىنان ايىرىلعان ءانشى گاۋھار الىمبەكوۆا سوت شەشىمى كۇشىنە ەنگەنشە قولحاتپەن بوساتىلدى.
دايىنداعان: اسەل بولات قىزى
پىكىر قالدىرۋ