ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا ۇكىمەت وتىرىسىندا استاناداعى بەس بالاسىنان ايىرىلعان وتباسىنىڭ تۇرمىسى تومەن ەمەس ەكەنىن ايتتى دەپ جازادى Qamshy.kz اقپارات اگەنتتىگى. 

"اكىمشىلىكتىڭ اقپاراتى بويىنشا، بۇل وتباسى تۇرمىسى تومەن وتباسىنىڭ قاتارىنا جاتپايدى. وتباسىنىڭ كىرىس قاراجاتى جەتكىلىكتى بولعان"، دەيدى ۆيسە-مينيستر. 

ءمينيستردىڭ سوزىنە سۇيەنسەك، بەس بالانىڭ اناسى ەڭبەك كەلىسىمشارتى بويىنشا، جاس بوسانعان انا رەتىندە قوسىمشا ۋاقىت بەرىلەدى ەكەن. سونداي-اق بەس بالانىڭ اناسى تۇنگى اۋىسىمعا شىقپاۋىنا رۇقسات ەتىلگەن. 

"اتالمىش وتباسىعا توتەنشە جاعداي وكىلدەرى ەكى رەت كەلگەن. وتباسىنىڭ جاعدايىن كورگەن ولار الەۋمەتتىك قورعاۋ ورىندارىنا حابارلاسىپ، ءمان-جايدى ايتۋ كەرەك ەدى. بالالاردىڭ اتا-اناسى بولسا، ولار الەۋمەتتىك كومەك سۇراماعانىن ايتتى"، -دەيدى ۆيسە-مينيستر. 

سونداي-اق ۆيسە-مينيستر بەس بالاسىنان ايىرىلعان وتباسى ءتيىستى جاردەماقىنى الىپ وتىرعانىن ايتىپ ءوتتى. 

ەسكە سالساق، 4-اقپاندا استانا قالاسىندا ءۇي ورتەنىپ،  ءبىر وتباسى بەس بىردەي بالاسىنان ايىرىلدى. 

ۇسىنعان: اسەل بولات قىزى