"كىتاپحاناسى جوق ۇيدەن نە ۇرلاۋعا بولادى" دەگەن ءبىر عۇلامانىڭ جازعانى بار ەدى. بالا كەزدە اكە-شەشەمىزدىڭ جيناعان كىتاپتارى قوناق بولمەدەگى سەرۆانتتىڭ ءبىر بولىگىن الىپ، 6-7 سورەدە قاز-قاتار ءتىزىلىپ تۇرۋشى ەدى. ءالى دە تۇر. ول جەردەن مەكتەپكە ەندى بارعان بالادان باستاپ، ەڭكەيگەن قارتقا دەيىن قىزىعۋشىلىعىن وياتاتىن ءتۇرلى تاقىرىپتاعى، ءتۇرلى جانرداعى كىتاپتاردى تاباسىڭ. "بالدىرعان"، "ۇلان"، "ەگەمەن قازاقستان"، جەتىسۋ" دەيسىڭ بە... جىلدا جازىلاتىن ءارتۇرلى گازەت-جۋرنالداردىڭ ءتۇبىن تەسىپ، جىپكە بايلاپ، تۇپتەپ، ءبىر سورەگە جيناپ قوياتىندارى تاعى بار... ەھ، سول عوي ناعىز قازىنا، ناعىز بايلىق قوي! سول كىسىلەر سول كىتاپتاردى ءبىر كۇندە الا سالعان جوق. وقۋشى كەزدەن، ستۋدەنت كەزدەن باستاپ جيناعاندارى، سىيلىققا العاندارى، ساتىپ العاندارى...
ءقازىر شە؟ سىيلىققا كىتاپ بەرۋ - سيرەك قۇبىلىس. كىتاپ ساتىپ العانشا، تەلەفونعا قاپ، نە تاعى ءبىر پايداسى از نارسە العاندى ءجون كورەتىندەر دە بار شىعار. دەگەنمەن، كىتاپ جاستاپ جاتپاسا دا، اپتاسىنا ءبىر كىتاپ ءبىتىرىپ نەمەسە مىنا كىتاپتاردى وقيمىن دەپ جوسپارلايتىن جاستار دا بارشىلىق. «بەس ساۋساق بىردەي ەمەس»، ارينە.
عالىمداردىڭ زەرتتەۋىنشە، كومپيۋتەردەن، تەلەفوننان قاراپ وقىعان اقپاراتتان گورى، قولمەن ۇستاپ وتىرىپ وقىعان، ياعني كىتاپ، قاعاز بەتىندەگى تاسقا باسىلعان كوركەم دۇنيە ادام جادىندا ۇزاق ساقتالادى ەكەن.
ەندەشە، الماتى ورتالىقتاندىرىلعان كىتاپحانالار جۇيەسى ۇسىنعان "ءار قازاق وقۋى ءتيىس 50 كىتاپتى" Qamshy.kz اقپارات اگەنتتىگى نازارلارىڭىزعا ۇسىنادى.
- مۇحتار اۋەزوۆ. «اباي جولى»
2. ءسابيت مۇقانوۆ. «اققان جۇلدىز»
3. ءابدىجامىل نۇرپەيسوۆ. «قان مەن تەر»
4. شەرحان مۇرتازا. «قىزىل جەبە»
5. مۇحتار ماعاۋين. «الداسپان»
6. ءىلياس ەسەنبەرلين. «كوشپەندىلەر»
7. ءالجاپار ابىشيەۆ. «نايزاعاي»
8. زەيىن شاشكين. «توقاش بوكين»
9. ءانۋار ءالىمجانوۆ. «ۇستازدىڭ ورالۋى»
10. تاحاۋي احتانوۆ. «بوران»
11. تولەن ابدىكوۆ. «اقيقات»
12. دۋلات يسابەكوۆ. «قارعىن»
13. ورالحان بوكەيەۆ. «قايداسىڭ، قاسقا قۇلىنىم؟»
14. مۇحتار ماعاۋين. «كوك مۇنار»
15. شوقان الىمبايەۆ. «دانالىق سۋبستانسياسى»
16. مارات قابانبايەۆ. «قازاق قايدا باراسىڭ؟»
17. بەردىبەك سوقپاقبايەۆ. «ولگەندەر قايتىپ كەلمەيدى»
18. باۋىرجان مومىش ۇلى. «ۇشقان ۇيا»
19. عابيت مۇسىرەپوۆ. «ۇلپان»
20. جۇسىپبەك ايماۋتوۆ. «اقبىلەك»
21. سماعۇل ەلۋبايەۆ. «اقبوز ءۇي»
22. قاليحان ىسقاقوۆ. «قارا ورمان»
23. رامازان توقتاروۆ. «باقىت»
24. دۇكەنباي دوسجانوۆ. «100 اڭگىمە»
25. شەرحان مۇرتازا. «اي مەن ايشا»
26. ساكەن ءجۇنىسوۆ. «اقان سەرى»
27. اقان نۇرمانوۆ. «قۇلاننىڭ اجالى»
28. عابيت مۇسىرەپوۆ. «كەزدەسپەي كەتكەن ءبىر بەينە»
29. تۇتقاباي يمانبەكوۆ. «قۇت اعاشىنىڭ كولەڭكەسى»
30. تىنىمباي نۇرماعانبەتوۆ. «قاۋىن ءيىسى»
31. مۇحتار اۋەزوۆ. «قاراش-قاراش»
32. ءابىش كەكىلبايەۆ. «ۇركەر»
33. ءانۋار ءالىمجانوۆ. «ماحامبەتتىڭ جەبەسى»
34. ولجاس سۇلەيمەنوۆ. «از ي يا»
35. ءازىلحان نۇرشايىقوۆ. «اقيقات پەن اڭىز»
36. مارات قابانبايەۆ. «باقباق باسى تولعان گۇل»
37. وسپانحان اۋباكىروۆ. «ىمدى بىلەسىڭ بە؟»
38. ءانۋار ءالىمجانوۆ. «جاۋشى»
39. باققوجا مۇقاي. «ءومىر زايا»
40. «بەس عاسىر جىرلايدى»
41. اسقار سۇلەيمەنوۆ. «بەسىن»
42. ءىلياس ەسەنبەرلين. «التىن وردا»
43. سوپى سماتايەۆ. «ەلىم-اي»
44. قابدەش ءجۇمادىلوۆ. «سوڭعى كوش»
45. سەيداحمەت بەردىقۇلوۆ. «پەردەسىز كوڭىل»
46. ءشاربانۋ قۇماروۆا. «ايەل باقىتى»
47. مارات قابانبايەۆ. «سۋرەت سالعىم كەلمەيدى»
48. ءابدىجامىل نۇرپەيسوۆ. «سەن»
49. زەيىن شاشكين. «سەنىم»
50. بەردىبەك سوقپاقبايەۆ. «بالالىق شاققا ساياحات»
ال ءسىز وسى اتالعان كىتاپتاردىڭ نەشەۋىن وقىدىڭىز؟
"ءار قازاق وقۋى ءتيىس 50 كىتاپ" تىزىمىنە ءسىزدىڭ ويىڭىزشا، تاعى دا قانداي كىتاپ ەنۋى ءتيىس؟
ۇسىنعان: ماقپال سەمباي
پىكىر قالدىرۋ