ەسكى جىل اياقتالىپ، جاڭا جىل باستالىسىمەن ينستاگرام بەتتەرىنەن جۇلدىزداردىڭ جانى جاي تاۋىپ، شەت ەلدە جۇرگەن فوتوسۋرەتتەرى مەن ۆيدەولارىن ءجيى بايقايمىز. جىل بويىنا توي مەن شوۋدان قاراجات جيناعان انشىلەر شىنىندا، قاي ەلدە جيىرەك دەمالعاندى قۇپ كورەدى؟ سونىمەن...
ۇنەمى جۇبايىن جانىنان تاستامايتىن قىراعى ونەر يەسى بۇركىتتىڭ بۇل جولعى كينوتۋىندىسى ءساتتى بولىپ، قالتاسىن قامپايتتى ما، وتباسىمەن بىرگە بالي ارالدارىن ارالاپ ءجۇر.
ال، كەشە عانا تاعى وتباسىن قۇرىپ، ەلدى دۇرلىكتىرىپ، تالاي سىننىڭ استىندا قالعان ايقىن ەكىنشى كەلىنشەگى جۇلدىزبەن بىرگە ماياميدە قىدىرىپ قايتتى. ايتپاقشى، بۇل العاشىندا ەكىنشى جارىن ەلدەن جاسىرىپ الەك بولعان ايقىننىڭ جۇلدىزبەن بىرگە العاشقى ساياحاتى ەمەس.
ال، قازاق ەستراداسى سۇلۋلىعىنىڭ ەتالونىنا اينالعان مادينا سادۋاقاسوۆا دا ارىپتەستەرىنەن قالىسپاي سىڭلىسىمەن بىرگە تايلاند ەلىنىڭ تاڭعاجايىپتارىن تاماشالاپ قايتتى. وسى رەتتە Qamshy.kz اقپارات اگەنتتىگىنىڭ تىلشىلەرى مادينادان سۇحبات الدى.
–«بۇل جولى تايلاند ەلىن تاڭدادىم. وتباسىمداعى 3 قىز جانە بالا-شاعامىزبەن بىرگە قىدىرىپ كەلدىم. تايلاند ەلىنىڭ تابيعاتى تاڭعاجايىپ، كەرەمەت قوي. الدىمەن تەڭىزگە ءتۇسىپ، كۇنگە قىزدىرىنىپ، ەكزوتيكالىق جەمىس-جيدەك جەپ، ءبىراز راحاتتاندىق. بالالار ءۇشىن دە قولايلى بولدى. سەبەبى، نەشە ءتۇرلى شوۋدى دا تاماشالادىق. ماعان شەت ەلگە ساياحاتتاۋعا ۇنەمى جولداسىم كومەكتەسەدى. شىعىس ەلىندە تاي ماسساجىن قابىلداپ، دەنساۋلىعىمىزدى تۇزەدىك. مەن ءۇشىن ۇمىتىلماس قىزىقتى ساياحات بولدى. نەگىزى جىلىنا 2 رەت شەت ەلگە وتباسىمىزبەن بىرگە شىعىپ تۇرامىز».
الايدا قانشا ساياحاتقا قانشا اقشا جۇمساعانىن مادينا سادۋاقاسوۆا اشىپ ايتپادى.
قارا بالا نۇرجان كەرمەنبايەۆتىڭ دا «وتاناسىمەن بىرگە» دەگەن فوتولارىن الەۋمەتتىك جەلىدەن كورىپ، ءانشىنىڭ وتباسىمەن بىرگە مالايزيا ەلىندە دەمالىپ جاتقانىن كوردىك. بۇل ونىڭ جۇبايى نازەركەمەن بىرگە العاشقى شەتەلگە ساياحاتى.
دەسەك تە، توي مەرزىمى سايابىرسىپ، كونسەرتتەن دە قول ۇزگەن انشىلەردىڭ قىسقى كانيكۋلى قىزىقسىز وتپەگەن سياقتى. دەسە دە، دەمالىس ءۇشىن شەت ەلدىڭ ەسىگىن قاققان انشىلەردىڭ بۇل جولى قالتالارى ءبىراز قاعىلعان بولار. ارمانداعان ەلدەرىن كورۋگە اسىققان ولاردىڭ از قاراجات جۇمساماعانى بەلگىلى. ەندى شەت ەلدە ءبىراز تىنىققان ولاردان حالىق تىڭ حيت تۋىندىلار كۇتەدى.
