استانا قالاسىندا نۇرسۇلتان نازاربايەۆ توراعالىعىمەن "نۇر وتان" پارتياسىنىڭ XVIII سەزى ءوتىپ جاتىر. سەزد پارتيانىڭ 20 جىلدىق مەرەيتويىنا ويلاستىرىلعان، دەپ حابارلايدى Qamshy.kz اقپارات اگەنتتىگى.

ەلباسى الەۋمەتتىك سالاعا اسا كوڭىل ءبولۋ كەرەكتىگىن ەسكەردى. اسىرەسە كوپ بالالى وتباسىلاردى قولداۋ ماسەلەسىنە ءجىى توقتالدى. ۇكىمەتكە تۇرمىسى تومەن كوپ بالالى وتباسىلاردىڭ جاردەماقىسىن ءوسىرۋ ارە ولارعا ارناپ 40 مىڭعا جۋىق پاتەر سالۋدى تاپسىردى. سەزدگە قاتىسىپ، مەملەكەت باسشىسىنىڭ ءسوزىن تىڭداعان كوپ بالالى انا عاليا اقباسوۆا ءسوز سويلەدى. ءوز سوزىندە انا ەلباسىنا زور العىسىن ءبىلدىردى.

"مەن ءقازىر زەينەتكەرمىن. ءبىراق، زەينەتكەرمىن دەپ، قول قۋسىرىپ وتىرعان جوقپىن. انالار كەڭەسىنىڭ ءتورايىمىمىن. جاستارعا اقىل كەڭەسىمىزدى بەرىپ، ءجون سىلتەپ وتىراتىمز. جاستارعا ايتارىم: الدىڭعى بۋىن انالاردىڭ سابىرىنان ۇلگى الساڭىزدار دەيمىن. مەملەكەت كوپ بالالى انالارعا ۇنەمى قولداۋ كورسەتىپ كەلدى جانە كومەكتى ارتتىرا بەرەدى. بۇگىن ەلباسىنىڭ ۇسىنىستارىن تىڭداپ، كوڭىلىم قۋانىپ وتىر" - دەگەن زەينەتكەر انا كوپ بالالى وتباسىرعا جاسالىپ جاتقان جەڭىلدىكتەر ءۇشىن ەلباسىنا ريزاشىلىعىن جەتكىزدى.

"انا رەتىندە ۇلكەن تەبىرەنىسپەن قابىل الدىم. كوپ بالالى وتباسىلارعا ۇلكەن قولداۋ كورسەتۋىڭىز بولاشاققا سەنىمدى ۇلعايتتى. ءقازىر انالار كوپ بالالى بولۋدان قورىقپايدى،ويتكەنى انا مەن بالا ماسەلەسى الدا تۇرعانىن بىلەدى"، - دەي كەلە عاليا اپاي ەلباسىنا باسىن ءيدى.

عاليا اقباسوۆا – 5 بالا مەن 11 نەمەرە تاربيەلەپ ءوسىرىپ وتىرعان انا.

ۇسىنعان: گۇلىم جاقان