ءوزىمىزدى ادام دەپ اتاپ، ءماز بولىپ جۇرگەنىمىزبەن، كۇندەلىكتى كۇيبەڭ تىرشىلىگىمىزدە جاساپ جۇرگەن ولقىلىقتاردى بايقامايمىز. سولاردىڭ كەيبىرىن وقىرمان نازارىنا ۇسىنادى Qamshy.kz اقپارات اگەنتتىگى.

ادام دۇعا جاساۋعا 10 مينۋتىن كوپ كورەدى، ءبىراق ءبىر كينو نەمەسە فۋتبول ويىنىن قاراۋعا 1،5 ساعاتتىڭ ءوزى از سياقتى كورىنەدى.

ادام بىرەۋدەن ەستىگەن وسەككە تەز سەنىپ قالادى، ءبىراق تۋرالىعى كۇمان كەلتىرمەيتىن كەي نارسەنى مويىنداعىسى كەلمەيدى.

ادام ءبىر ساعاتىن عيبادات جاساپ، مەشىتتە وتكىزسە، ول ۋاقىت توقتاپ قالعانداي بولادى، ءبىراق تەلەديدار نە كومپيۋتەر الدىندا قانشا ساعات وتىرسا دا ۋاقىتتىڭ زىمىراعانىن سەزىنبەيدى.

ادام ءبىر كۇنى ءشىرىپ كەتەتىن دەنەسىن جاقسى حالدە ساقتاۋ ءۇشىن نە جەگەنىن قاداعالاپ جۇرەدى، ءبىراق ەشقاشان شىرىمەيتىن رۋحىنا ەش كۇتىم جاسامايدى.

ادام كونسەرتكە بارسا، ەڭ الدىڭعا قاتارعا وتىرۋعا تىرىسادى،ءبىراق مەشىتتە ،نامازدان كەيىن تەز شىعىپ كەتەيىن، دەپ، ەڭ سوڭىنا وتىرۋعا تىرىسادى.

ادام عيبادات جاساعان كەزدە دۇنيەنى، بايلىقتى كوپ ويلايدى، ءبىراق دۇنيەنى جيىپ جۇرگەندە اللا تۋرالى ەش ويلامايدى.

ادام "ءبىر ايات نەمەسە حاديس جاتتاۋعا قيىن" دەيدى، ءبىراق ۇزدىك 10 ءاننىڭ ءسوزىن جاتقا بىلەدى.

ادام ءدىني اڭگىمەنى تىڭداۋعا، ايتۋعا قىزىقپايدى، ءبىراق وسەك ءسوزدى تىڭداپ، باسقاعا ايتۋدان ەشقاشان جالىقپايدى.

ادام ءجانناتقا بارۋدى ارماندايدى، ءبىراق ول ءۇشىن ەشنارسە جاساعىسى كەلمەيدى. 

ادام "اناسىنىڭ الدىنداعى مىندەتىن وسكەندە ورىندايمىن" دەپ ويلايدى، ءبىراق ءار كۇن سايىن وسەتىنىن اڭعارمايدى.

...مىنە، وسىلاردىڭ ورنىن پايدالى ىسپەن تولتىرساق ەكەن!